O‘zbek tilining
izohli lug‘ati
ЎЗ
Izoh.uz saytida ish so‘zining izohi va ma’nolari

ish

ot

1. 1 Inson faoliyati bilan bogʻliq, uning mehnati bilan amalga oshadigan, bajariladigan narsa.

  1. Dalada ish koʻp. Bor-yoʻgʻi bir kunlik ish qoldi. Ishlayman deganga ish topiladi. Xayrli ish. Mashaqqatli ish.

  2. Ishlay desam — ish boʻlmasa, dehqonchilik qilay desam — yer boʻlmasa. M. Ismoiliy, Fargʻona tong otguncha

  3. Yoʻlchi ishga razm solib, qaydan boshlash kerakligini oʻyladi. Oybek,Tanlangan asarlar

  4. — Hay Adol, qiz bolalarni frontga olmas emish. — Qizlarni ham olaversa, daladagi ish kimga qoladi. I. Rahim, Chin muhabbat

2. Ishning ijrosi, ish ustidagi faoliyat, mehnat.

  1. Ishdan qoldirmoq. Ishga kirishmoq. Ish ishtaha ochar, dangasa ishdan qochar. Maqol

  2. Qari kelsa — oshga, yosh kelsa — ishga. Maqol

  3. Ular meʼmorga koʻzlari tushishi bilan, bir daqiqa ishni toʻxtatib, bosh irgʻab salom berishdi. Mirmuhsin,Meʼmor

  4. Ustaxona darvozasidan kirishimiz bilanoq sexlarda ish qaynayotganligining guvohi boʻlamiz. Gazetadan

  5. Qurbon ota hech kimning esiga kelmagan bir yaxshi ishni boshladilar. A. Qahhor, Qoʻshchinor chiroqlari

3. Ish-faoliyatning mahsuli, undan yuzaga kelgan (yaratilgan) narsa.

  1. Rassomning koʻrgazmaga qoʻygan ishlari. U yaratgan ishlar mutaxassislar tomonidan yuqori baholandi.

  2. Yoʻlchining bajargan ishiga koʻz yugurtirib, oʻzicha oʻyladi: Devkor yigit ekan. Oybek,Tanlangan asarlar

  3. Bu ishing biror olimning qoʻliga tushib qolsa bormi, dissertatsiya yoqlardi. T. Ashurov, Oq ot

4. Maʼlum haq, evaz hisobiga qilinadigan ish-faoliyat, mehnat.

  1. Bechora ish qidirib, boshi oqqan tomonga borar ekan. Oybek,Nur qidirib

  2. Toshkentda ish topsam, balki qolarman. Oybek,Tanlangan asarlar

5. Xizmat vazifasi; lavozim.

  1. Ishga kirmoq. Shu ishda ishlab kelyapti.

  2. Sizni boʻshatishadimi, yoʻqmi — sizni bu ishga kim tayinlagan boʻlsa, oʻshandan soʻrang. Y. Yoqubov, Er boshiga ish tushsa

  3. Bu gap korxonaga ovoza boʻlib, Jonfigʻonni oʻsha zamoniyoq ishdan haydashibdi. A. Qahhor, Qanotsiz chittak

  4. Dadamni ilgari katta-katta ishlarda ishlagan deyishadi. E. Raimov, Ajab qishloq

6. s. t. Boʻsh ish oʻrni.

  1. Koʻp joyga uchradim, lekin ish yoʻq degan javob oldim.

7. Mehnat-faoliyatning muayyan sohasi, turi; kasb.

  1. Hayotda shunday odamlar boʻladiki, ular butun umrlarini faqat bir ishga, biron kasbga bagʻishlagan boʻladilar. X. Yodgorov, Hayot toʻlqinlari

  2. Xudo koʻnglingizga solib, shu ishni [sartaroshlikni] ixtiyor qilibsiz — kam boʻlmaysiz. E. Raimov, Ajab qishloq

8. Burch.

  1. Ozodalikka doimiy eʼtiborda boʻlish — barchaning ishi.

  2. [Ellikboshi:] Mahalladagi yigitlarning bari manga maʼlum. Bilish mening ishim-da. Oybek, Tanlangan asarlar

9. Hal etilishi lozim boʻlgan narsa; masala, muammo.

  1. Ishning yengil koʻchishiga sevingan ona Otabekning bu shartiga lom demasdan koʻndi. A. Qodiriy, Oʻtgan kunlar

  2. Yasovulboshi xon ikkalasigina tushunadigan tilda ishni pishirib qoʻygan edi, shuning uchunmi, murtini silab kuldi. S. Siyoyev, Yorugʻlik

  3. ayniqsa, kundalik ishi qiyin, kosa kosaga tegganda, gʻidi-bidi gaplar koʻpaysa oʻgʻlingga ham tatimay qoladir. A. Qodiriy, Oʻtgan kunlar

10. Oʻzgaga, oʻzga manfaatiga qarashli yumush; hojat.

  1. Kel, qoʻzim, nima ishing bor? Oybek,Tanlangan asarlar

  2. Yurt ishiga yaramagan bola qay ishga yaraydi? S. Ahmad, Ufq

11. Xos ish, xatti-harakat.

  1. Oldiga qoʻyganni yemak — hayvonning ishi, ogʻziga kelganni demak — nodonning ishi. Vaʼdaga vafo — mardning ishi.

  2. Avaz, yigitning ishi tavakkal, deb chap tomonga burildi. S. Siyoyev, Yorugʻlik

12. Voqea, hodisa.

  1. Oʻz uyida oʻtirgan qiz bir kechada gʻoyib boʻlsin, tavba! Juda xunuk ish, Olimxon aka? Oybek,Tanlangan asarlar

  2. Nizomjon uning avzoyidan juda xunuk ish boʻlganini fahmladi-da, yoniga oʻtirdi. S. Ahmad, Ufq

  3. Boshing sogʻ boʻlsa, hali Toshkentda koʻp ajoyib ishlarni koʻrasan, yigitcha! Oybek,Tanlangan asarlar

13. Ahvol, holat.

  1. Hozir ish boshqa: Yoʻlchi qamoqda. Oybek,Tanlangan asarlar

  2. Xoʻsh, Sodiq polvon, ishlar qanaqa, Toshkentda nima gaplar bor? A. Qodiriy, Oʻtgan kunlar

  3. Har yerda dehqonning ishi chatoq. Yeri boʻlsa, ulovi yoʻq, ulovi boʻlsa, yeri yoʻq, koʻpida ikkisi ham yoʻq. Oybek,Tanlangan asarlar

14. Gap-soʻz, gap-soʻz boʻlgan narsa(lar).

  1. Nega desang, mazmunidan ham koʻrinib turibdiki, bu ikkinchi uylanishga Otabek butunlay qarshi boʻlib, faqat bu gap qudalarninggina ishlaridir. A. Qodiriy, Oʻtgan kunlar

15. huq. Sud yoki maʼmuriy organlarda koʻriladigan narsa, jarayon.

  1. Fotima ustidan jinoiy ish qoʻzgʻatildi. T. Ashurov, Oq ot

  2. Shu telefon sabab boʻldimi bir-ikki kundan keyin ishim boshqa tergovchiga oʻtib, tezlashib ketdi. O. Yoqubov, Izlayman

  3. Yer toʻgʻrisida bir chatoq odam bilan sudlashib yurgan edi, sud ishni buning zarariga hukm qilganmikan, deb oʻyladi. Oybek,Tanlangan asarlar

ish soʻzi qatnashgan jumlalar:

Boshiga ish tushmoq

Kimsa uchun noxush, tashvishli hol yuz bermoq.

  1. Boshimga ish tushdi. Farzandim Nizomiddin qatl etildi. Mirmuhsin, Meʼmor

Boʻlar ish boʻldi

Yuz bergan ish-hodisa oqibatini tuzatib, oʻnglab boʻlmasligini qayd etadi.

  1. Nimani gaplashaman! Boʻlar ish boʻlgan-ku! Men uning yuziga qarolmayman endi. K. Yashin, Hamza

Dunyoning ish(lar)i

Kishiga bogʻliq boʻlmagan, kishi ixtiyoridan tashqari ish(lar).

  1. Dunyoning ishlari shunaqa teskari ekan, boshi-oxiri yoʻq.

Ish bermoq

1. Asqatmoq, kunga (ehtiyojga) yaramoq.

  1. Uni mashinalar bilan kovlab boʻlmaydi, faqat ketmon, belkuraklargina ish berishi mumkin. J. Abdullaxonov, Toʻfon

  2. Ammo toqqa chiqishda Boburning oʻsmirligi juda ish berdi. P. Qodirov, Yulduzli tunlar

2. Xizmat qilmoq.

  1. Yormatgami yo boshqa bir sobiq qarolga uzoq ish berib iyigʻi chiqqan, peshonasi qiyshiq etikni kiydi. Oybek, Tanlangan asarlar

Ish bitmaydi

Maqsadga erishib boʻlmaydi, natija chiqmaydi.

  1. Ha, kolxozga kirgandan keyin uncha-muncha vaʼz aytishni ham bilish kerak boʻladi, busiz ish bitmaydi. A. Qahhor, Qoʻshchinor chiroqlari

  2. Urushning oti oʻchsin, urush boʻlmasin, deyish bilan ish bitmaydi. Gazetadan

Ish katta

Biror ish-narsaning hajm, daraja va boshqalar eʼtibori bilan meʼyoridan ortiq, zoʻr holatini qayd etadi.

  1. Ishlar katta-ku, usta! Doʻkonlarni ham qurib yuboribsiz! A. Qodiriy, Oʻtgan kunlar

  2. Ehhe, ish katta-ku. Omad tilayman Oybek,Tanlangan asarlar

Ishkoʻrgan

Hayot, ish (amal) tajribasi katta, koʻpni koʻrgan, koʻp voqea-hodisalar, qiyinchiliklarni boshidan kechirgan.

  1. Qoʻshin ichida eng ish koʻrgan, qilich chopgan bahodirlarni saralab, qorovul tuzib, buni Shayx Temurga, Zunnun Argʻunbekka topshirdi. Oybek, Navoiy

  2. Mirzo saroyidan bizga yetib kelgan maʼlumotlar shuni koʻrsatadiki, fargʻonaliklar bizdan kam, ish koʻrgan sarbozlari oz, kishilari qoʻrquvda. Mirmuhsin,Meʼmor

Ish koʻrmoq

1. Muayyan yoʻl bilan ish olib bormoq; ish tutmoq.

  1. Uning yor-doʻstlari behisob, oʻylab ish koʻrish lozim, hazratim. K. Yashin, Hamza

  2. Muxbirlikda ham oshnachilik, qoʻshnichilik bilan ish koʻriladimi? Guldasta

2. Ishni amalga oshirmoq, ishning harakatini qilmoq.

  1. Man shu yerdan qochirishda sir ochilib qoladimi, deb juda qoʻrqqan edim. Lekin juda qulay fursatda ish koʻrdik. Oybek,Tanlangan asarlar

Ish koʻrsatmoq

1. Namunali, qoyil qoladigan ish qilmoq.

  1. uchala xatimga ham Seni mudofaa qilishda ayrim ish koʻrsatganim uchun orden oldim, deb javob qaytardilar. A. Qahhor, Oltin yulduz

  2. Duchor kelganini koʻkka otarman, Ish koʻrsatib, yorim olib ketarman. Alpomish

2. s. t. Yoqimsiz (koʻngilsiz) ish qilmoq; qiliq qilmoq.

  1. Kecha toʻyda kayfi oshib, rosa ish koʻrsatibdi. Ish tashlamoq Ommaviy suratda ishni toʻxtatmoq.

  2. Bundan uch yil burun Simxoyev zavodidagi yerlik ishchilar ish tashladilar. M. Ismoiliy, Fargʻona tong otguncha

Ish tutmoq

Maʼlum yoʻl-yoʻriq, shart-sharoit va shu kabilar bilan hisoblashgan holda ish olib bormoq, ish yuritmoq.

  1. Azizim, siz otdan tushsangiz ham, egardan tushmaysiz. Orqa-oldiga qarab ish tutmoq kerak. J. Sharipov, Xorazm

  2. Sizga jon kerak boʻlsa, shundoq ish tutasiz, rozimisiz? K. Yashin, Hamza

  3. Insof yuzasidan ish tuting, boyvachcha aka. K. Yashin, Hamza

Ish chiqarmoq

1. Biror natijaga erishmoq, biror ish qila olmoq.

  1. Bu borishdan biror ish chiqara oldimi, yoʻqmi — bu toʻgʻrida biz kelasi fasllarning birida oʻrganarmiz. A. Qodiriy, Oʻtgan kunlar

  2. Besh marta qarshi ataka qilib, hech ish chiqara olmagandan keyin quturgan, endi qurshovda qolib, jon talvasasiga tushgan dushman A. Qahhor, Oltin yulduz

2. Kutilmaganda nomaʼqul ish (qiliq) qilib qoʻymoq.

  1. Sherigingga ehtiyot boʻl, yonidan jilma. Yana biron ish chiqarib oʻtirmasin.

Ish yuritmoq (yoki yurgizmoq)

  1. El, yurt ulugʻlari! Xudo yoʻliga koʻzingizni oching! haqiqatga qarab ish yuritinglar! K. Yashin, Hamza

  2. — Hovliqma, zimdan ish yurgiz! — sekingina soʻzlab hovlida qoldi Qoratoy. Oybek, Tanlangan asarlar

Ishga solmoq

1. Ishga jalb qilmoq; ishlatmoq.

  1. Oʻrmonjon akam shuni ham ishga soldilar, odam qildilar. A. Qahhor, Qoʻshchinor chiroqlari

  2. Ammo Asrora [Dildorani] noz-firoqlariga qaramay, turtkilab-turtkilab ishga solardi. S. Ahmad, Ufq

2. Ishida foydalanmoq; ishlatmoq.

  1. Elchi hozir oʻz podshohining topshirigʻini bajarish uchun butun ayyorligini ishga solar, tilyogʻlamalik qilib, Toʻmarisni koʻklarga koʻtarar edi. M. Osim, Ajdodlarimiz qissasi

  2. Chol butun quvvayi nutqini ishga solib, yana yalindi. Oybek,Tanlangan asarlar

Ishdan chiqmoq

1. Ish-mehnat qobiliyatini yoʻqotmoq.

  1. Rahmatli erim mardikor edi kasalga chalinib, ertaroq ishdan chiqib qoldi. Oybek,Tanlangan asarlar

  2. Nekqadam qarigan, ishdan chiqqan edi. S. Ayniy, Qullar

2. Yaroqsiz holga kelmoq.

  1. To adirning etagiga yetguncha, Turgʻunoyning kavushi ishdan chiqdi, adirga mahsichan chiqishga toʻgʻri keldi. A. Qahhor, Maston

  2. Lekin u oʻylagancha boʻlmadi, ikki kishi zang bosib ketgan ishdan chiqqan beshotarni olib kelib berdi. J. Sharipov, Xorazm

Ishdan qolmoq

1. ayn. Ishdan chiqmoq 1.

  1. Mariyaning baxtiga qarshi, amaki sil kasalligiga uchrab, ishdan qoldi. Oybek, Tanlangan asarlar;

2. Chalgʻish va boshqa sabab bilan ishni moʻljaldagicha qila olmaslik.

  1. Tan bilan boʻlib, ancha ishidan qoldi.

Ishdan qoʻymoq (yoki qoldirmoq)

Bajarib turgan ish-vazifasidan vaqtincha chalgʻitmoq, uni bajarishga xalaqit bermoq.

  1. Yoʻlchi Shoqosimni ishdan qoʻymaslik uchun, ikki-uch minutda voqeani soʻzlab berdi. Oybek,Tanlangan asarlar

Ishi boʻlmaslik

Aralashmaslik, eʼtibor bermaslik.

  1. — Sening ishing boʻlmasin, — deb gʻazab bilan javob berdi amakisi. P. Tursun, Oʻqituvchi

  2. mehmonlar kimlar va nima uchun kelganliklari bilan ishi boʻlmay soʻzlab ketdi. A. Qahhor, Asarlar

Ishi yoʻq

Eʼtibor bermaydi.

  1. Uning atrofidagilar bilan ishi yoʻq, oʻz ishi bilan mashgʻul.

  2. Xonning oʻlik-tirik bilan ishi yoʻq emish. Joni halak, deydilar. S. Siyoyev, Yorugʻlik

Ishi nima

  1. Sizlarni koʻrolmas ekan. Boʻlmasa, bularning ishi nima? P. Tursun, Oʻqituvchi

Ishi tushmoq

Kimsaga biror iltimos, hojat bilan murojaat qilmoq.

  1. Bir joydagi odammiz, yana bir-birimizga ishimiz tushadi, otaxon! Oybek, Tanlangan asarlar

  2. Anvarga ishi tushib, uning shafqatini koʻrgan Safar boʻzchi kabilar bu xabardan juda ham xursand. A. Qodiriy, Mehrobdan chayon

Ishning beliga tepmoq

Ishning bajarilishiga, meʼyorida boʻlishiga xalal bermoq (toʻsqin boʻlmoq).

  1. Hech narsa topilmagach, uyini tintish uchun hovliga kirishgan edi, burchakda tinimsiz vakillab turgan it ishning beliga tepdi. Mushtum

  2. Qochib qayerga ham borardi Shunchaki ishning beliga tepganiga achinasan kishi. S. Anorboyev, Oqsoy

Ishning koʻzini bilmoq

Ishning bajarilish, bitish yoʻl-yoʻrigʻini yaxshi bilmoq.

  1. Qaynatam ishning koʻzini biladigan odam. Xizmatkorlari bari yaxshi ishlaydi. Oybek, Tanlangan asarlar

  2. Ishchan, juda-juda ishchan odam. Ishning koʻzini biladi butun hisob-kitob ishlarini shu eplab turipti. A. Qahhor, Qoʻshchinor chiroqlari

Koʻngil ishi

Kishi ichki dunyosiga, koʻngli-diliga bogʻliq ish(lar).

  1. Asrora oʻylab qarasa, koʻngil ishi nozik narsa ekan. S. Ahmad, Ufq

Nima ishi bor

Daxldor emaslik, aloqa, munosabati yoʻqlikni qayd etadi.

  1. Qayerdadir qamishzorda bir nomaʼlum devonani it gʻajib ketgan boʻlsa, bunda kimning nima ishi bor? A. Muxtor, Qoraqalpoq qissasi

  2. Sening koʻngling, sening umiding bilan kimning nima ishi bor! P. Tursun, Oʻqituvchi.

  3. — Mening nima ishim bor. —Albatta, ishing boʻlmasin. A. Qodiriy, Oʻtgan kunlar

Olloning (yoki xudoning, taqdirning, falakning) ishi

Umuman, inson (bandasi)ga xos boʻlmagan ish.

  1. Chirqillang, togʻning qushlari, Bu ish olloning ishlari. Yusuf va Ahmad

  2. Bu ishlar falakning ishi Yusuf va Ahmad

  3. Hammasi ham taqdirning ishi, amaki, bu yerda siz bilan mening hech bir ixtiyorimiz yoʻq. A. Qodiriy, Oʻtgan kunlar

Oʻz ishini qilmoq (yoki koʻrsatmoq)

Muayyan omil, sabab bilan bogʻliq yuz beradigan ish, narsa-hodisa roʻy bermoq, amalga oshmoq, roʻyobga chiqmoq.

  1. oradan oʻtgan oʻn yil oʻz ishini qilgan — eshon anchayin keksaygan, hatto yuz terisi ham olachipor boʻlib ketgan edi. P. Tursun, Oʻqituvchi

  2. Uning ham, buning ham ayrilgisi kelmas edi. Lekin vaqt oʻz ishini qildi — oyni gʻarb ufqidan tortib kirib ketdi. Demak, tong otdi. M. Ismoiliy, Fargʻona tong otguncha

  3. Itning instinkt va reflekslari oʻz ishini koʻrsatgan edi. O. Moʻminov, Xiyobondagi uch uchrashuv

Oʻtgan ishga salavot

Oʻtgan ish oʻtdi, boʻlar ish boʻldi (boʻlib oʻtgan ish haqidagi gapni toʻxtatish, unga qaytmaslikni qayd etadi).

  1. Xoʻsh, oʻtgan ishga salavot. Qalay, ekinlarimiz durustmi? Oybek,Tanlangan asarlar

Qoʻlidan ish kelmoq

Muayyan ish(lar)ni oʻzicha uddalamoq, qila olmoq.

  1. Durust, sen samolyot yasolmaysan, ketmon chopolmaysan lekin qilaman desang, qoʻlingdan ish keladi. A. Qahhor, Asror bobo

maxs. Bir juft poyabzalga yetarli teri boʻlagi yoki muayyan kiyimga yetarli gazlama.

  1. Bu teridan toʻrtta ish chiqarish mumkin. Ish bichmoq. Ish tikmoq.

ISH so‘zining sinonimlarini Sinonim.uz saytida qidirib ko‘ring.

ИШ so‘zining kirillcha yozilishi Lotin.uz sayti tomonidan taqdim qilingan.

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.
Saytdagi o‘rni
1565
So‘zning teskari yozilishi
hsi
Harflar soni
3
Ko‘rishlar soni
73

ish so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

aʼzam abjaq abadiyat ablahlik Shekspir abituriyent abr abdol Merkuriy
ish so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, ish so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida

Loyihalarimiz

TVinfo.uz — Bugun, ertaga va keyingi hafta uchun to‘liq teledasturlar.

TVinfo.uz — Телепрограмма на сегодня, завтра и ближайшую неделю.

tvinfo.uz

O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.

Полный смысл, происхождение, формы узбекских имён. Узнайте смысл своего имени и имён близких.

ismlar.com

DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.

DostavkaInfo — Каталог сервисов, предлагающих доставку еды, лекарств, книг и товаров для дома.

dostavkainfo.uz

Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.

Lotin.uz — поможет транслитерировать с узбекской кириллицы на латиницу и обратно. Легко!

lotin.uz

Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).

Самая большая коллекция пословиц и поговорок на трёх языках (узбекский, русский, английский).

maqollar.uz

Har kuni eng sara latifalar va kulguli rasmlar. O‘zbek tilidagi kulgu markazi!

Ежедневно только отборные анекдоты, смешные картинки. Кузница юмора на узбекском языке!

latifa.uz

Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.

Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.

onmap.uz

O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.

Самый большой каталог телеграм каналов в Узбекистане. Только активные каналы по категориям и с подробной статистикой.

uztelegram.com

O‘zbek tilida savodli yozishni biz bilan boshlang.

С нами вы научитесь грамотно писать на узбекском языке.

sarlavha.com

O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.

Словарь синонимов узбекского языка на нашем сайте содержит более 3300 слов и 900 синонимов.

sinonim.uz
ibora.uz salsa.uz skripka.uz slovo.uz television.uz vatt.uz iboralar.uz resumes.uz havo.uz
Izoh.uz saytining bazasida jami 35 853 ta so‘z bor
Aloqa Telegram
© Izoh.uz — O‘zbek tilining izohli lug‘ati, 2014–2024
Obuna va GoodGroup loyihasi. 18+