O‘zbek tilining
izohli lug‘ati
ЎЗ
Izoh.uz saytida yo‘q so‘zining izohi va ma’nolari

yo‘q

ravish

1. Mavjud emas; zid. bor 1.

  1. Oʻzingda yoʻq — olamda yoʻq. Maqol

  2. Bu atrofda bironta xonadon yoʻq.

  3. Korxonada oziq-ovqat mahsulotlari bilan savdo qiluvchi magazin yoʻq. Gazetadan

  4. Odamzod shundayki, bor narsa asta-sekin yoʻqolsa ham, payqaydi, lekin yoʻq narsa asta-sekin paydo boʻlsa, payqamaydi. A. Qahhor, Asarlar

2. Javob ichida kelib, inkor maʼnosini ifodalaydi; zid. ha.

  1. Sidiqjon bir sonini egarga qoʻyib, juvonga tomon oʻgirilib oʻtirdi: — Bu yerlar ham Qoʻshchinorga qarash-limi? — Yoʻq. A. Qahhor, Qoʻshchinor chiroqlari

  2. — Siz ham qiziqsiz-da, Hoji xola. — Yoʻq, qiziq emasman, toʻgʻri gapni qilyapman, Toʻraxon. M. Ismoiliy, Fargʻona tong otguncha

  3. — Bilasizmi, Yoʻlchi, kimni sudradingiz? — Yoʻq, kim oʻzi u it? Oybek, Tanlangan asarlar

3. Gap oldidan kelib, oldingi gapda bayon etilgan fikrga eʼtirozni bildiradi.

  1. Yoʻq, seni sharmanda deb taʼna eshitishni xohla-mayman. Oʻ. Hoshimov, Qalbingga quloq sol

  2. Yoʻq, janobi boy, savodli bilan savodsiz hech mahalda bab-baravar emas. K. Yashin, Hamza

  3. — Yoʻq, yoʻq, singlim, — yalindi Rahim Saidov —Oʻtinaman, hozir bering. Juda ham zarur! Oʻ. Umarbekov, Yoz yomgʻiri

4. Biror (oʻylangan) narsaning unday emasligini, yuz bermasligini bildiradi.

  1. Olimjon oʻn besh kunda qaytmoqchi edi. Bir oy oʻtdi — yoʻq, ikki oy oʻtdi — yoʻq. Na xat bor, na xabar. Oybek, Tanlangan asarlar

  2. Ertoyev Barno rozi boʻlib qolmasa, deb bir seskanib tushdi, yoʻq, qiz noz bilan boshini chayqadi. O. Yoqubov, Er boshiga ish tushsa

  3. Yolgʻiz qoʻyni haydash nuqul azob. Boʻynidan sudrayman — yoʻq, dumbasiga arqon solib tortaman — yoʻq. Oybek, Tanlangan asarlar

5. ot vzf. Kambagʻal, qashshoq; nochor.

  1. Bor boʻlsang, koʻrolmaydi; yoʻq boʻlsang, berolmaydi. Maqol

  2. Borning ishi farmon bilan, yoʻqning ishi armon bilan. Maqol

  3. — Oʻlim — toʻy emas, borning pulini sochadi, yoʻqning sirini ochadi, — dedi kampir oʻgʻliga. E. Raimov, Ajab qishloq

6. Feʼlning inkor maʼnoli shaklini yasash uchun xizmat qiladi.

  1. Anchadan beri koʻrga-nim yoʻq. Oʻqishga borayotgani yoʻq.

7. Oʻzi birikib kelgan soʻz bildirgan narsaga shaxsning uquvi, bardoshi, xohishi yoʻqligini bildiradi.

  1. Lekin men ham maqola yozishga yoʻqman, birodar. A. Qahhor, Adabiyot muallimi

  2. Shunday qilib, Salimxon Obidiy kasalga yoʻqroq odam. Mirmuhsin, Umid

yo‘q soʻzi qatnashgan jumlalar:

Bahosi yoʻq

Belgi, qimmatni kuchaytirib ifodalaydi; juda yaxshi, bebaho.

  1. Lekin [Oʻrmonjon] yaxshi odam, xudoga qarab aytganda, bahosi yoʻq odam. A. Qahhor, Qoʻshchinor chiroqlari

Gap yoʻq

Bundan boshqacha boʻlishi mumkin emas; qoyil, juda soz.

  1. — Ziyofat qalay boʻldi? — Ey, gap yoʻq!

Gapda (yoki gap-soʻzda) yoʻq

Gapga chechan emas, gapni yaxshi uddalab gapira olmaydi.

  1. Hozirgi aftini koʻrgan kishi uni [Roʻzimatni] gap-soʻzda yoʻq, oʻzi toʻnggina bir yigit gumon qilar edi. A. Qahhor, Qoʻshchinor chiroqlari

Jahonda yoʻq

Yakka-yu yagonalikni taʼkid bilan ifodalaydi.

  1. Soʻzlashdik, xotin, u kishi soʻzni aylantirib, sizdek baxtli ota jahonda yoʻq, dedi. Oybek, Tanlangan asarlar

Zarari yoʻq

Hech narsa qilmaydi, hechqisi yoʻq.

  1. — Zarari yoʻq, — dedi Karimiy peshonasida toʻzgʻigan sochlarini bir bosh silkish bilan orqaga tashlab. N. Aminov, Suvarak

  2. — Ha shumi? — kuldi Yoʻlchi. — Zarari yoʻq, jildirab oqyapti-ku, opa, shu ham toshishmi? Oybek, Tanlangan asarlar

Ing yoʻq, jing yoʻq

Indamay, hech narsa demay.

  1. Qorni toʻq, egni butun boʻlsa bas. Ing yoʻq, jing yoʻq ishlayveradi. Oybek, Tanlangan asarlar

Ishi yoʻq

Eʼtibor bermaydi, qiziqmaydi.

  1. Xonning oʻlik-tirik bilan ishi yoʻq emish. Joni halak deydilar. S. Siyoyev, Yorugʻlik

  2. [Samovarchining] Kelgan-ketganlar bilan unchalik ishi yoʻq. Oybek, Tanlangan asarlar

Yoʻq boʻlmoq

Koʻzdan gʻoyib boʻlmoq; yoʻqolmoq.

  1. Otasi Mahmud aka esa onasi vafot etgach, yoʻq boʻlib ketdi. Gazetadan

  2. Birdan boshim aylanib, allaqanday qorongʻilik-da yoʻq boʻlib ketdim. E. Raimov, Ajab qishloq

Yoʻq deganda

Eng kami, kami bilan.

  1. Yoʻq deganda besh kilo keladi.

Yoʻq demoq

Inkor etmoq, rad etmoq, eʼtiroz bildirmoq.

  1. — Yoʻq desangiz, boy tilingizni kesarmidi? — boʻgʻilib dedi Gulsumbibi. Oybek, Tanlangan asarlar

Yoʻq yerdagi

Hech qayerda yoʻq, umuman yoʻq.

  1. yoʻq yerdagi gʻovgʻani boshimizga sotib oldik, deb qilgan ishiga pushaymon boʻlib yotdi. Yodgor

Kun yoʻq

Kun bermaydi, tinch qoʻymaydi.

  1. Siz uyda yoʻq vaqtlaringizda Hamdamingiz dastidan menga kun yoʻq. A. Qahhor, Asarlar

  2. Yakka xoʻjalik boʻlsang, senga kun yoʻq, deb bizni kolxozga kirgani majbur qilishdi. A. Qahhor, Qoʻshchinor chiroqlari

Koʻnglida kiri yoʻq

Koʻrgani (yoki koʻrarga, koʻrishga) koʻzi yoʻq

Juda ham yomon koʻradi, koʻrishni ham xohlamaydi.

  1. Ularning meni koʻrgani koʻzlari yoʻq. K. Yashin, Hamza

  2. Uning [Karimovichning] koʻrarga koʻzi yoʻq: har bir yigʻinda aspirantini choʻqiy boshlardi. Mirmuhsin, Nuqra

Mazasi yoʻq

1. Koʻngildagidek emas, durust emas.

  1. Imtihon qilib koʻrdim — mazasi yoʻq. A. Qahhor, Adabiyot muallimi

2. aynan Tobi yoʻq.

Otliqqa yoʻq

Kam topiladigan, noyob, hamma ham yetishavermaydigan narsa haqida.

  1. Kishining yuragini qon qilib yuborasan nainki men asal olsam! Asal otliqqa yoʻq, hali biz piyoda-ku! A. Qahhor, Anor

Sanogʻi (yoki soni) yoʻq

Juda koʻp.

  1. Koʻrpa-toʻshagini orqalab, xor-zor yurgan odamlarning sanogʻi yoʻq. Oybek, Tanlangan asarlar

  2. [Ellikboshi Hakimboyvachchaga:] Oʻgʻri, muttaham, daydilarning soni yoʻq. Oybek, Tanlangan asarlar

Suyagi yoʻq

Juda yoqtiradi, juda qoyil qiladi.

  1. Qabih ishlarga suyagingiz yoʻq, musallas sharʼiy deysiz. U. Ismoilov, Saylanma

Taraf yoʻq

Tenglashadigani, yetadigani mavjud emas; tenglashib boʻlmaydi.

  1. Ammo xotinni uchta qilishga ham oʻyim yoʻq emas. — Sizga taraf yoʻq, togʻa! A. Qodiriy, Oʻtgan kunlar

Tobi yoʻq

1. Sogʻligʻi durust emas; kasal.

  1. Aka, nimaga jim boʻlib ketdingiz? Tobingiz yoʻqmi? Ozibsiz-a Oybek, Tanlangan asarlar

2. Xushi yoʻq, yoqtirmaydi.

  1. Na oʻqishga, na yumushga tobi yoʻq. Guldasta

  2. — Bilaman, tushunaman, kishanga tobing yoʻq, — dedi-da, Qoratoy koʻzlarini ayyorcha qisib davom etdi Oybek, Tanlangan asarlar

Tuturigʻi yoʻq

Betayin, oʻz gapiga amal qilmaydigan.

  1. Shu odam ham tuturigʻi yoʻq, laychadek sermulozamat boʻlib ketyapti. A. Muxtor, Opa-singillar

Oʻzida yoʻq

Xursand (shod) holatni kuchaytiradi.

  1. Akajoni keltirgan jajji mashinachani qizlarga koʻz-koʻz qilib, oʻzida yoʻq xursand. H. Nazir, Soʻnmas chaqmoqlar

  2. — Jannat, jannat deyishadi-yu, jannat deganlari Qorabulogʻimizdan yaxshimikan?! — dedi u oʻzida yoʻq quvonib. M. Ismoiliy, Fargʻona tong otguncha

He yoʻq, be yoʻq

Biror narsa demay, hech qanday gap-soʻzsiz.

  1. Mahallamda, he yoʻq, be yoʻq, oʻgʻlim Abdusamatni askarlikka moʻljallab qoʻyishibdi. Oybek, Tanlangan asarlar

Hechqisi yoʻq

  1. Besh-olti mingga kuyibsan, hechqisi yoʻq. N. Safarov, Hayot maktabi

  2. Yoʻlchi pinagini buzmay, odatda gapirganday, dedi: — Hechqisi yoʻq; moʻysafid, bechora odam ekan, duosini olay dedim. Oybek, Tanlangan asarlar

Hisobi yoʻq

1. Soni (sanogʻi) yoʻq, behisob.

  1. Mol-dunyosining hisobi yoʻq;

2. Iloj-imkon yoʻq.

  1. Qaytay desam — quvadi, oʻtib ketishning sira hisobi yoʻq. Turib qoldim. A. Qahhor, Qoʻshchinor chiroqlari

YO‘Q so‘zining sinonimlarini Sinonim.uz saytida qidirib ko‘ring.

ЙЎҚ so‘zining kirillcha yozilishi Lotin.uz sayti tomonidan taqdim qilingan.

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.
Saytdagi o‘rni
1493
So‘zning teskari yozilishi
q‘oy
Harflar soni
4
Ko‘rishlar soni
3046

yo‘q so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

abadiylashtiril Yevrokomissiya achinarli Yevroparlament Xorazmiy achimsiq ablahlarcha aʼmol abstraksiya
yo‘q so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, yo‘q so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida

Loyihalarimiz

TVinfo.uz — Bugun, ertaga va keyingi hafta uchun to‘liq teledasturlar.

TVinfo.uz — Телепрограмма на сегодня, завтра и ближайшую неделю.

tvinfo.uz

O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.

Полный смысл, происхождение, формы узбекских имён. Узнайте смысл своего имени и имён близких.

ismlar.com

DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.

DostavkaInfo — Каталог сервисов, предлагающих доставку еды, лекарств, книг и товаров для дома.

dostavkainfo.uz

Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.

Lotin.uz — поможет транслитерировать с узбекской кириллицы на латиницу и обратно. Легко!

lotin.uz

Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).

Самая большая коллекция пословиц и поговорок на трёх языках (узбекский, русский, английский).

maqollar.uz

Har kuni eng sara latifalar va kulguli rasmlar. O‘zbek tilidagi kulgu markazi!

Ежедневно только отборные анекдоты, смешные картинки. Кузница юмора на узбекском языке!

latifa.uz

Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.

Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.

onmap.uz

O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.

Самый большой каталог телеграм каналов в Узбекистане. Только активные каналы по категориям и с подробной статистикой.

uztelegram.com

O‘zbek tilida savodli yozishni biz bilan boshlang.

С нами вы научитесь грамотно писать на узбекском языке.

sarlavha.com

O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.

Словарь синонимов узбекского языка на нашем сайте содержит более 3300 слов и 900 синонимов.

sinonim.uz

Imlo.uz — O'zbek tilining imlo lug'ati. Saytda 87 000 ortiq so'z bor. So'zning to'g'ri yozilishini tekshiring.

Imlo.uz — Орфографический словарь узбекского языка позволяющий проверить правописание узбекских слов на латинице и кириллице. В базе более 87 000 слов.

imlo.uz
ibora.uz salsa.uz skripka.uz slovo.uz television.uz vatt.uz iboralar.uz resumes.uz havo.uz
Izoh.uz saytining bazasida jami 35 927 ta so‘z bor
Aloqa Telegram
© Izoh.uz — O‘zbek tilining izohli lug‘ati, 2014–2026
Obuna va GoodGroup loyihasi. 18+