Ўзбек тилининг
изоҳли луғати
O‘Z
Izoh.uz сайтида йўқ сўзининг изоҳи ва маънолари

йўқ

рв

1. Мавжуд эмас; зид. бор 1.

  1. Ўзингда йўқ — оламда йўқ. Мақол

  2. Бу атрофда биронта хонадон йўқ.

  3. Корхонада озиқ-овқат маҳсулотлари билан савдо қилувчи магазин йўқ. Газетадан

  4. Одамзод шундайки, бор нарса аста-секин йўқолса ҳам, пайқайди, лекин йўқ нарса аста-секин пайдо бўлса, пайқамайди. А. Қаҳҳор, Асарлар

2. Жавоб ичида келиб, инкор маъносини ифодалайди; зид. ҳа.

  1. Сидиқжон бир сонини эгарга қўйиб, жувонга томон ўгирилиб ўтирди: — Бу ерлар ҳам Қўшчинорга қараш-лими? — Йўқ. А. Қаҳҳор, Қўшчинор чироқлари

  2. — Сиз ҳам қизиқсиз-да, Ҳожи хола. — Йўқ, қизиқ эмасман, тўғри гапни қиляпман, Тўрахон. М. Исмоилий, Фарғона тонг отгунча

  3. — Биласизми, Йўлчи, кимни судрадингиз? — Йўқ, ким ўзи у ит? Ойбек, Танланган асарлар

3. Гап олдидан келиб, олдинги гапда баён этилган фикрга эътирозни билдиради.

  1. Йўқ, сени шарманда деб таъна эшитишни хоҳла-майман. Ў. Ҳошимов, Қалбингга қулоқ сол

  2. Йўқ, жаноби бой, саводли билан саводсиз ҳеч маҳалда баб-баравар эмас. К. Яшин, Ҳамза

  3. — Йўқ, йўқ, синглим, — ялинди Раҳим Саидов —Ўтинаман, ҳозир беринг. Жуда ҳам зарур! Ў. Умарбеков, Ёз ёмғири

4. Бирор (ўйланган) нарсанинг ундай эмаслигини, юз бермаслигини билдиради.

  1. Олимжон ўн беш кунда қайтмоқчи эди. Бир ой ўтди — йўқ, икки ой ўтди — йўқ. На хат бор, на хабар. Ойбек, Танланган асарлар

  2. Эртоев Барно рози бўлиб қолмаса, деб бир сесканиб тушди, йўқ, қиз ноз билан бошини чайқади. О. Ёқубов, Эр бошига иш тушса

  3. Ёлғиз қўйни ҳайдаш нуқул азоб. Бўйнидан судрайман — йўқ, думбасига арқон солиб тортаман — йўқ. Ойбек, Танланган асарлар

5. от взф. Камбағал, қашшоқ; ночор.

  1. Бор бўлсанг, кўролмайди; йўқ бўлсанг, беролмайди. Мақол

  2. Борнинг иши фармон билан, йўқнинг иши армон билан. Мақол

  3. — Ўлим — тўй эмас, борнинг пулини сочади, йўқнинг сирини очади, — деди кампир ўғлига. Э. Раимов, Ажаб қишлоқ

6. Феълнинг инкор маъноли шаклини ясаш учун хизмат қилади.

  1. Анчадан бери кўрга-ним йўқ. Ўқишга бораётгани йўқ.

7. Ўзи бирикиб келган сўз билдирган нарсага шахснинг уқуви, бардоши, хоҳиши йўқлигини билдиради.

  1. Лекин мен ҳам мақола ёзишга йўқман, биродар. А. Қаҳҳор, Адабиёт муаллими

  2. Шундай қилиб, Салимхон Обидий касалга йўқроқ одам. Мирмуҳсин, Умид

йўқ сўзи қатнашган жумлалар:

Баҳоси йўқ

Белги, қимматни кучайтириб ифодалайди; жуда яхши, бебаҳо.

  1. Лекин [Ўрмонжон] яхши одам, худога қараб айтганда, баҳоси йўқ одам. А. Қаҳҳор, Қўшчинор чироқлари

Гап йўқ

Бундан бошқача бўлиши мумкин эмас; қойил, жуда соз.

  1. — Зиёфат қалай бўлди? — Эй, гап йўқ!

Гапда (ёки гап-сўзда) йўқ

Гапга чечан эмас, гапни яхши уддалаб гапира олмайди.

  1. Ҳозирги афтини кўрган киши уни [Рўзиматни] гап-сўзда йўқ, ўзи тўнггина бир йигит гумон қилар эди. А. Қаҳҳор, Қўшчинор чироқлари

Жаҳонда йўқ

Якка-ю ягоналикни таъкид билан ифодалайди.

  1. Сўзлашдик, хотин, у киши сўзни айлантириб, сиздек бахтли ота жаҳонда йўқ, деди. Ойбек, Танланган асарлар

Зарари йўқ

Ҳеч нарса қилмайди, ҳечқиси йўқ.

  1. — Зарари йўқ, — деди Каримий пешонасида тўзғиган сочларини бир бош силкиш билан орқага ташлаб. Н. Аминов, Суварак

  2. — Ҳа шуми? — кулди Йўлчи. — Зарари йўқ, жилдираб оқяпти-ку, опа, шу ҳам тошишми? Ойбек, Танланган асарлар

Инг йўқ, жинг йўқ

Индамай, ҳеч нарса демай.

  1. Қорни тўқ, эгни бутун бўлса бас. Инг йўқ, жинг йўқ ишлайверади. Ойбек, Танланган асарлар

Иши йўқ

Эътибор бермайди, қизиқмайди.

  1. Хоннинг ўлик-тирик билан иши йўқ эмиш. Жони ҳалак дейдилар. С. Сиёев, Ёруғлик

  2. [Самоварчининг] Келган-кетганлар билан унчалик иши йўқ. Ойбек, Танланган асарлар

Йўқ бўлмоқ

Кўздан ғойиб бўлмоқ; йўқолмоқ.

  1. Отаси Маҳмуд ака эса онаси вафот этгач, йўқ бўлиб кетди. Газетадан

  2. Бирдан бошим айланиб, аллақандай қоронғилик-да йўқ бўлиб кетдим. Э. Раимов, Ажаб қишлоқ

Йўқ деганда

Энг ками, ками билан.

  1. Йўқ деганда беш кило келади.

Йўқ демоқ

Инкор этмоқ, рад этмоқ, эътироз билдирмоқ.

  1. — Йўқ десангиз, бой тилингизни кесармиди? — бўғилиб деди Гулсумбиби. Ойбек, Танланган асарлар

Йўқ ердаги

Ҳеч қаерда йўқ, умуман йўқ.

  1. йўқ ердаги ғовғани бошимизга сотиб олдик, деб қилган ишига пушаймон бўлиб ётди. Ёдгор

Кун йўқ

Кун бермайди, тинч қўймайди.

  1. Сиз уйда йўқ вақтларингизда Ҳамдамингиз дастидан менга кун йўқ. А. Қаҳҳор, Асарлар

  2. Якка хўжалик бўлсанг, сенга кун йўқ, деб бизни колхозга киргани мажбур қилишди. А. Қаҳҳор, Қўшчинор чироқлари

Кўнглида кири йўқ

Кўргани (ёки кўрарга, кўришга) кўзи йўқ

Жуда ҳам ёмон кўради, кўришни ҳам хоҳламайди.

  1. Уларнинг мени кўргани кўзлари йўқ. К. Яшин, Ҳамза

  2. Унинг [Каримовичнинг] кўрарга кўзи йўқ: ҳар бир йиғинда аспирантини чўқий бошларди. Мирмуҳсин, Нуқра

Мазаси йўқ

1. Кўнгилдагидек эмас, дуруст эмас.

  1. Имтиҳон қилиб кўрдим — мазаси йўқ. А. Қаҳҳор, Адабиёт муаллими

2. айн. Тоби йўқ.

Отлиққа йўқ

Кам топиладиган, ноёб, ҳамма ҳам етишавермайдиган нарса ҳақида.

  1. Кишининг юрагини қон қилиб юборасан наинки мен асал олсам! Асал отлиққа йўқ, ҳали биз пиёда-ку! А. Қаҳҳор, Анор

Саноғи (ёки сони) йўқ

Жуда кўп.

  1. Кўрпа-тўшагини орқалаб, хор-зор юрган одамларнинг саноғи йўқ. Ойбек, Танланган асарлар

  2. [Элликбоши Ҳакимбойваччага:] Ўғри, муттаҳам, дайдиларнинг сони йўқ. Ойбек, Танланган асарлар

Суяги йўқ

Жуда ёқтиради, жуда қойил қилади.

  1. Қабиҳ ишларга суягингиз йўқ, мусаллас шаръий дейсиз. У. Исмоилов, Сайланма

Тараф йўқ

Тенглашадигани, етадигани мавжуд эмас; тенглашиб бўлмайди.

  1. Аммо хотинни учта қилишга ҳам ўйим йўқ эмас. — Сизга тараф йўқ, тоға! А. Қодирий, Ўтган кунлар

Тоби йўқ

1. Соғлиғи дуруст эмас; касал.

  1. Ака, нимага жим бўлиб кетдингиз? Тобингиз йўқми? Озибсиз-а Ойбек, Танланган асарлар

2. Хуши йўқ, ёқтирмайди.

  1. На ўқишга, на юмушга тоби йўқ. Гулдаста

  2. — Биламан, тушунаман, кишанга тобинг йўқ, — деди-да, Қоратой кўзларини айёрча қисиб давом этди Ойбек, Танланган асарлар

Тутуриғи йўқ

Бетайин, ўз гапига амал қилмайдиган.

  1. Шу одам ҳам тутуриғи йўқ, лайчадек сермулозамат бўлиб кетяпти. А. Мухтор, Опа-сингиллар

Ўзида йўқ

Хурсанд (шод) ҳолатни кучайтиради.

  1. Акажони келтирган жажжи машиначани қизларга кўз-кўз қилиб, ўзида йўқ хурсанд. Ҳ. Назир, Сўнмас чақмоқлар

  2. — Жаннат, жаннат дейишади-ю, жаннат деганлари Қорабулоғимиздан яхшимикан?! — деди у ўзида йўқ қувониб. М. Исмоилий, Фарғона тонг отгунча

Ҳе йўқ, бе йўқ

Бирор нарса демай, ҳеч қандай гап-сўзсиз.

  1. Маҳалламда, ҳе йўқ, бе йўқ, ўғлим Абдусаматни аскарликка мўлжаллаб қўйишибди. Ойбек, Танланган асарлар

Ҳечқиси йўқ

  1. Беш-олти мингга куйибсан, ҳечқиси йўқ. Н. Сафаров, Ҳаёт мактаби

  2. Йўлчи пинагини бузмай, одатда гапиргандай, деди: — Ҳечқиси йўқ; мўйсафид, бечора одам экан, дуосини олай дедим. Ойбек, Танланган асарлар

Ҳисоби йўқ

1. Сони (саноғи) йўқ, беҳисоб.

  1. Мол-дунёсининг ҳисоби йўқ;

2. Илож-имкон йўқ.

  1. Қайтай десам — қувади, ўтиб кетишнинг сира ҳисоби йўқ. Туриб қолдим. А. Қаҳҳор, Қўшчинор чироқлари

ЙЎҚ сўзининг синонимларини Sinonim.uz сайтида қидириб кўринг.

YO‘Q сўзининг лотинча ёзилиши Lotin.uz сайти томонидан тақдим қилинган.

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.
Сайтдаги ўрни
1889
Сўзнинг тескари ёзилиши
қўй
Ҳарфлар сони
3
Кўришлар сони
129

йўқ сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абжақ абр Авесто абстракция Сатурн аббревиатура Нептун аборт ачиштир
йўқ сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, йўқ сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Тасодифий сўзлар

Ҳаммасини кўриш

Янги сўзлар

Ҳаммасини кўриш

Izoh.uz лойиҳаси ҳақида

Izoh.uz — Ўзбек тилининг халқона изоҳли луғати 35 000 дан ортиқ сўзларнинг маънолари ибора ва мисоллар билан келтирилган.

Йиллар давомида “Ўзбек тили куни”га бағишлаб, ўзбек тилини ўрганувчилар, журналистлар, таржимонлар, копирайтерлар, блогерлар ва бошқалар учун фойдали лойиҳаларни ишга туширишни анъанага айлантирганмиз. Бизнинг жамоа Lotin.uz, Imlo.uz, Sinonim.uz, Sarlavha.com лойиҳаларини ҳукмингизга ҳавола қилган.

Батафсил Izoh.uz лойиҳаси ҳақида

Лойиҳаларимиз

TVinfo.uz — Bugun, ertaga va keyingi hafta uchun to‘liq teledasturlar.

TVinfo.uz — Телепрограмма на сегодня, завтра и ближайшую неделю.

tvinfo.uz

O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.

Полный смысл, происхождение, формы узбекских имён. Узнайте смысл своего имени и имён близких.

ismlar.com

DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.

DostavkaInfo — Каталог сервисов, предлагающих доставку еды, лекарств, книг и товаров для дома.

dostavkainfo.uz

Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.

Lotin.uz — поможет транслитерировать с узбекской кириллицы на латиницу и обратно. Легко!

lotin.uz

Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).

Самая большая коллекция пословиц и поговорок на трёх языках (узбекский, русский, английский).

maqollar.uz

Har kuni eng sara latifalar va kulguli rasmlar. O‘zbek tilidagi kulgu markazi!

Ежедневно только отборные анекдоты, смешные картинки. Кузница юмора на узбекском языке!

latifa.uz

Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.

Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.

onmap.uz

O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.

Самый большой каталог телеграм каналов в Узбекистане. Только активные каналы по категориям и с подробной статистикой.

uztelegram.com

O‘zbek tilida savodli yozishni biz bilan boshlang.

С нами вы научитесь грамотно писать на узбекском языке.

sarlavha.com

O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.

Словарь синонимов узбекского языка на нашем сайте содержит более 3300 слов и 900 синонимов.

sinonim.uz
ibora.uz salsa.uz skripka.uz slovo.uz television.uz vatt.uz iboralar.uz resumes.uz havo.uz
Izoh.uz сайтининг базасида жами 35 855 та сўз бор
Алоқа Telegram
© Izoh.uz — Ўзбек тилининг изоҳли луғати, 2024
Obuna ва GoodGroup лойиҳаси. 18+