аҳл

1. Маълум бир қараш (нуқтайи назар), дин ва шу кабиларга мансуб кишилар, одамлар.

1. Ислом аҳли.

2. Истиқомат қилувчи, яшовчи кишилар; аҳоли.

1. Шаҳар аҳли. Қишлоқ аҳли. Жаҳон аҳли.

2. Маҳалла аҳли.

3. Олур бизлардан ибрат аҳли олам. Ҳабибий

3. Иш-фаолият, касб-ҳунарнинг маълум турига мансуб, шу соҳада фаолият кўрсатувчи кишилар, одамлар.

1. Меҳнат аҳли. Савдогар аҳли. Илм аҳли.

2. Коммуна опа бағри кенг, сахий бир ижодкор сифатида ҳам санъат аҳли ичида машҳурдир. Саодат

4. Қатнашчи, иштирокчи.

1. Конференция аҳли. Суҳбат аҳли.

2. Мажлис аҳлининг аксарияти хурсанд бўлиб, Мустафо Содиқни олқишлади. Ойбек, Нур қидириб