g‘ujanak

1. Oyoq-qoʻllari yigʻilgan, tanasi egik, boshi bukik holatli.

1. U kallasini ikki qoʻli orasiga olib, gʻujanak boʻlib oʻtirgancha qoldi. H. Nazir, Onaizor

2. Sovqotganidan qoʻlchalarini koʻksiga bosib, gʻujanak boʻlib olibdi. S. Karomatov, Soʻnggi barxan

3. It oʻn qadamcha vangillab borib, bedazor chetidagi kultepa oldida gʻujanak boʻlib tipirchilay boshladi. P. Tursun, Oʻqituvchi

2. aynan Gʻuj.

1. Oʻriklarda sara bodroqday, Oppoq-oppoq gʻujanak gullar. S. Akbariy

3. Togʻ etaklarida, dashtda mayda poyalari gʻuj boʻlib oʻsadigan bir xil buta.

1. Katta-katta daraxtlarni ildizi bilan qoʻporib, uchirib yurgan boʻron uchun birgina gʻujanak nima ekan? J. Abdullaxonov, Toʻfon