kamerton

1. fizika Uchlari erkin tebranadigan qilib mahkamlangan ayrisimon metall tayoqcha shaklidagi asbob (tovush manbai).

1. Tovush hodisalarini oʻrganishda tovush manbai sifatida koʻpincha kamertondan foydalanadilar. A. V. Pyorishkin, Fizika kursi

2. Bir jismdan chiqib tarqalgan tovushning boshqa jismga urilib, tebranish hosil qilishi rezonans hodisasi deyiladi. Kamertonlarning rezonanslanishi bunga yaxshi misol boʻla oladi. Oʻ. Hoshimov, Qalbingga quloq sol

2. musiqa Maʼlum balandlikka ega boʻlgan va aniq tovush beruvchi, cholgʻuchilik amaliyotida cholgʻu asboblarini sozlashda ishlatiladigan kichik bir asbob (tovush balandligi etaloni boʻlib xizmat qiladi).