ko‘ngil

Bir koʻngli, bu gapni qozi topib kelgandir, deb oʻyladi. M. Ismoiliy, Fargʻona tong otguncha

Borgan yerigacha kuydirib bordi. Bir koʻnglim, Zahar berib qoʻydimi? deb qoʻrqdim. M. Ismoiliy, Fargʻona tong otguncha

Yaxshilik koʻr, yomonlikni koʻrmagin, Bevafo dunyoga koʻngil bermagin. Oysuluv ;

Men tunukasoz ustamning qiziga koʻngil bergan edim K. Yashin, Hamza

Bir nechuk nomardga koʻngil bermagin Alpomish

Bamaʼni odam bilan gaplashib, koʻngilni yozmoq.

Malika koʻngil yozish uchun tez-tez ovga chiqar ekan. Bulbuligoʻyo

Qoʻshiq kishining koʻnglini ochadi. N. Safarov, Sharq tongi

Shuning uchunmi dardini kimga aytishni bilmay qolgan kezlarda Avaz Mutribni sogʻinadi, unga koʻngil yoradi. S. Siyoyev, Yorugʻlik

Koʻzingni suzib, ovloqda Poʻlatjonning koʻnglini ovlab yurgan emishsan. S. Ahmad, Qadrdon dalalar

Toʻraxoʻja oʻrtoqlarining koʻnglini ovlashni biladigan, oʻta madaniyatli bola edi. D. Nuriy, Osmon ustuni

Ali meshkobchi keyinchalik Nizomiddinning hibs etilib, Ixtiyoriddinga tashlanganini eshitib, erta bilan kelib, Meʼmorning koʻnglini soʻradi. Mirmuhsin, Meʼmor

Yodgorboyning nobud boʻlganidan bular bexabar ekan, toʻgʻri kelib, kampirdan koʻngil soʻrabman. A. Qahhor, Asror bobo

Bir yogʻi bular, qolaversa, volidamizning qabrlaridan koʻngil uzolmay, Kapsanchilarda qolib ketdim. A. Qahhor, Qoʻshchinor chiroqlari

Shahidbek goʻyo koʻngil uchun yana: — Koʻp yaxshi ekan! — deb qoʻydi. A. Qodiriy, Mehrobdan chayon

Qiz boʻlsa ham, koʻngil xushi, farzand kerakdur yigitga. Qoʻshiqlar

Yigit shu qizga koʻngil qoʻydi.

— Koʻngil berganimni, yaxshi koʻrganimni oʻlganidan keyin yana ham aniq bildim. Hech kimdan uyalmay, bagʻrimga bosib yigʻladim, — dedi Hoji xola. M. Ismoiliy, Fargʻona tong otguncha

Yoqimsiz hiddan koʻngli aynidi.

Shu yerda qolib ishlashga koʻngli borligini birdan aytishga boʻyni yor bermay oʻylandi. H. Nazir, Odamning qadri

Unday desa, Soliyaning pichingida ham jon bor. Axir ilgarilari aka demas ediku? Koʻngli bormikin-a? S. Anorboyev, Sherali sevib qoldi

Dutor chalib oʻtirsam, Ipi uzilib ketdi, Yor seni oʻylab tursam, Koʻnglim buzilib ketdi. Qoʻshiqlar

Akasining bu harakatidan Raʼnoning koʻngli buzilib, qovogʻini soldi-yu, arazlagancha hovliga tushib ketdi. H. Nazir, Soʻnmas chaqmoqlar

Xondan boshqacha muomala kutgan Zuhra begim toʻsatdan koʻngli buzilib, koʻziga yosh oldi. P. Qodirov, Yulduzli tunlar

Koʻngli buzuq boʻlsa, bolam, shod ayla, Yiqilganni, bolam, sen bosib oʻtma. Ravshan

Ibn Yamin ustozining vafotidan soʻng, uning oilasini tashlab ketishga koʻngli boʻlmadi. K. Yashin, Hamza

Yigʻlab-yigʻlab, koʻngillari ancha boʻshagandan keyin: — Hasanjon bularni qayerdan topdinglar [dedi]. E. Raimov, Ajab qishloq

Gʻulomjon hali qoʻshnisi terim boshlamaganini koʻrib, koʻngli ancha joyiga tushdi. M. Ismoiliy, Fargʻona tong otguncha

Aslida Shodmon otaning beshikka koʻngli yoʻq edi. H. Nazir, Koʻrmana

U koʻngli keng, vazmin boʻlishni, ancha-muncha narsani ichiga bemalol sigʻdirib, hech narsa koʻrmagandek boʻlib yurishni havas qiladi. P. Qodirov, Uch ildiz

Sidiqjon isitmasi tushganidanmi yoki kampirning mehribonchiligidanmi, koʻngli koʻtarilib, taʼbi ochilganidanmi, juda yengil tortdi. A. Qahhor, Qoʻshchinor chiroqlari

Qarindoshlar, qoʻshnilar — hech kim yoqmas, hech narsani koʻngli koʻtarmas, hech narsani istamas edi. Oybek, Nur qidirib

Yogʻli ovqatni koʻnglim koʻtarmay qoldi.

Yoʻlchining koʻngli ochiq, sodda yigit ekanini bilib, bolalar birin-sirin yaqinlasha boshlaydilar. Oybek, Tanlangan asarlar ;

odamlarga juda mehribon, koʻngli ochiq, qotmagina chol edi. S. Karomatov, Oltin qum

Oq koʻngil odam.

— Salimboyvachchadan qilcha shubhalanmang, — qatʼiy dedi Tantiboyvachcha, — uning koʻngli oq. Oybek, Tanlangan asarlar

Doʻstidan koʻngli sovidi.

[Abdishukurning] Keyin Madrasa ilmlaridan koʻngli soviy boshladi, chunki imom boʻlish uni sira qiziqtirmadi. Oybek, Tanlangan asarlar

[Gulnor:] Oʻzimdan ortiq sizga ishonaman. Siz koʻngli toza yigit, bilaman. Oybek, Tanlangan asarlar

Anorga koʻnglim sust ketdi.

[Fotima:] Zolim, rahmsiz, tosh koʻngil! S. Ayniy, Qullar

Muhiddin aka allanimadan xursand boʻlib, koʻngli toʻlib chiqib ketdi. A. Qahhor, Qoʻshchinor chiroqlari

Elga qoʻshilganning koʻngli toʻq, eldan ajralganning beti yoʻq. Maqol

— Bektemirdan koʻnglim toʻq, — dedi Ali tajang, — kallasi ishlaydi. Oybek, Quyosh qoraymas

Ishonchlaringizni oqlayman, koʻngillaringiz toʻq boʻlsin. M. Ismoiliy, Fargʻona tong otguncha

U smena oxirida bir oz yengil tortdi-yu, lekin koʻngli hamonxira edi. A. Muxtor, Tugʻilish

[Gulsumbibi:] Duradgor yigitning onasi qatnay-qatnay, tinka-madori quridi. Ayniqsa, oʻshanga koʻnglim chopgan edi. Oybek, Tanlangan asarlar ;

— Qaygʻurma, Oftob kuyoving bunchalik suluv boʻlsa chimildiqda pechakguldek boʻlib, eriga chirmashganini koʻrarmiz! — Oh, opajon, — dedi umidsizcha oyim, — mening bunga koʻnglim chopmaydi. A. Qodiriy, Oʻtgan kunlar

Bolaning koʻngli choʻkdi.

Hayotning koʻngli choʻkib ketdi, lekin umid ipini uzgisi kelmadi. M. Ismoiliy, Fargʻona tong otguncha

Mehri yurak-yuragidan ezilib, dadasining koʻnglini yumshatish yoʻllarini qidirardi. Sh. Rashidov, Boʻronday kuchli

— Qoʻy endi, ozor berma, koʻngli yarimta, — degan edi, Asrorqul qayta avj oldi: — Koʻngli yarimta boʻlsa, miyasi ham yarimtami? A. Qahhor, Asror bobo

Qizning atrofga javdirab turgan koʻzlari xomush yerga boqdi. Qiz koʻngli oʻksidi. S. Ahmad, Mehribon

Shu yoshga kelib, otalik mehrini juda kam koʻrsatgan qattiq koʻngil otaning yuragi birdan erib ketdi. M. Ismoiliy, Fargʻona tong otguncha

Qaysi koʻngli qoradan chiqdi bu gaplar? A. Muhiddin, Koʻngillar

Koʻngli gʻash, boyagi quvonchli, shirin, ammo tagi yoʻq xayollardan asar ham qolmagan edi. O. Yoqubov, Muqaddas

Zoʻrlikni koʻngilga keltirmang. Sh. Toshmatov, Erk qushi

Oʻzing bilasan. Axir shunday boʻladi, deb koʻnglimga keltiribmanmi?! P. Tursun, Oʻqituvchi

Bu gapingiz notoʻgʻri, qori, sizning ilmingiz eskicha ilm Koʻnglingizga kelmasin-u, izvoshga eshak qoʻshib boʻlmaydi. A. Qahhor, Qoʻshchinor chiroqlari

Qoʻying-chi oʻzingiz har bir narsani koʻnglingizga ogʻir ola berar ekansiz. A. Qodiriy, Oʻtgan kunlar

Qalmoqlarning koʻzicha, sen mendan zoʻr boʻlgin, qanday siyosat qilib gapirsang ham, men koʻnglimga ogʻir olmayman. Alpomish

Bular hammasi ham koʻngilga urdi, shekilli, gulzorlar boʻylab bogʻni aylana boshladi. Oydin, Fonar tagida.

Mana shunaqa-da, bolaning koʻngliga qarayversangiz, haddidan oshib ketadi. Oydin, Oʻzi monand

Yuragida bori yuziga tepib turadigan bunday kishilarni, koʻnglida kiri yoʻq, deb maqtaydilar. P. Qodirov, Uch ildiz

Endi bu hayot nimaga kerak? degan fikrni koʻnglidan kechirgandi. O. Yoqubov, Tilla uzuk

Tegirmonga tushsa, tirik chiqadigan odam, deya koʻngildan oʻtkazardilar. Sh. Rashidov, Boʻrondan kuchli

Aslida esa Xolmurod sevgan qizidan hali-veri judo boʻlishni ham, u ni koʻnglidan chiqarib yuborishni ham istamasdi. P. Tursun, Oʻqituvchi

Bola bechoraning dilini ogʻritgan edim Oʻlmasam. bir yaxshi ish qilib, koʻnglidan chiqarib yuboraman. S. Ahmad, Qadrdon dalalar

Bir yosh ayolning gʻam va hasrat bilan toʻla yor-yori alohida eshitilar, odamning koʻnglini buzar edi. P. Tursun, Oʻqituvchi

Bemorning koʻnglini koʻtarib, kechqurun uyiga qaytdi. T. Ashurov, Oq ot

Birovi yillab saqlagan yilqi moyi topib kelib, toʻpigʻini silaydi, birovi qiziq-qiziq gaplar aytib, koʻnglini koʻtaradi. S. Siyoyev, Yorugʻlik

— Xafa boʻlmang, Toʻxta xola, koʻpga kelgan toʻy, — dedi Bozorov, uning koʻnglini koʻtarish. uchun. I. Rahim, Chin muhabbat

Bu gap Jumanning koʻnglini oʻstirib yubordi. A. Muxtor, Tugʻilish

Men birov bilan oshnachilik qilsam, undan jonimni ham ayamay, koʻnglini olmoqqa tirishaman. A. Qodiriy, Oʻtgan kunlar

[Sidiqjon:] Bunaqa qoʻshmachilik sizlardan keladi. Inʼomjonga Qizimning koʻnglini ol, eridan chiqarib, senga beraman, degan kishidan keladi. A. Qahhor, Qoʻshchinor chiroqlari

Uka, men uch-toʻrt kundan keyin Fargʻonaga joʻnayman. Lekin san cholning koʻnglini zarracha ogʻritma, durustmi? Oybek, Tanlangan asarlar.

Kattarogʻini aka de — qoʻltigʻiga kir, kichikrogʻini uka de — qoʻltiqqa ol, koʻnglini top. P. Tursun, Oʻqituvchi