O‘zbek tilining
izohli lug‘ati
ЎЗ
Izoh.uz saytida yurak so‘zining izohi va ma’nolari

yurak

ot

1. anat. Odam va hayvonlar koʻkrak qafasi ichida joylashgan, ularning qon aylanish sistemasidagi muskul qopchiqqa oʻxshash markaziy aʼzo.

  1. Sogʻlom yurak.

  2. Yurakning urishi.

  3. Yurak kasalligi.

  4. Yurak klapani.

  5. Yurak bir-biri bilan tutashmaydigan ikki qismdan iborat boʻlib, bu qismlar bir-biridan yaxlit toʻsiq bilan ajralgan. Anatomiya

  6. Yurak — zarur narsa.

  7. Yurak baquvvat boʻlsa, ish ham unumli boʻladi, kishi charchamaydi. Uygʻun, Soʻnggi pushaymon

  8. Kumushning harorati kuchli, yurak urishi favqulodda tez edi. A. Qodiriy, Oʻtgan kunlar

2. koʻchma Kishining his-sezgisi, ruhi, kechinmalarining ramziy markazi, ular saqlanadigan joy; qalb, dil.

  1. Paxtazorda boʻlib oʻtgan janjal Oyqiz yuragida chuqur iz qoldirdi. Sh. Rashidov, Boʻrondan kuchli

  2. Qisman u [Zebo] haqli edi. Zotan asrlar fojiasi va quvonchi boʻlgan muhabbat juda qadimiy narsa boʻlsa ham, har bir yurakda misli koʻrilmagan oʻziga xoslik bilan barq uradi. Shuhrat, Shinelli yillar

  3. Xatolari, nuqsonlari koʻp boʻlsa ham, yuragi asl koʻrinadi. Uygʻun, Navbahor

  4. Ahmad oʻrtadagi adovatni unutib, yuragini ochdi. F. Musajonov, Himmat

  5. Yuragidagini dangal toʻkib solayotgan qizning haqqoniy soʻzlari Sherzod Qambarovichga ogʻir botardi. Oʻ. Usmonov, Sirli sohil

3. Qoʻrqmaslik, jasorat va shu kabilar ramzi.

  1. Obbo siz-e, hali shu yurak bilan yuribsizmi Mushtum

  2. Men uning Oʻtapboy qushbegiga qilgan muomalasini eshitib, yuragingga balli, degan edim. A. Qodiriy, Oʻtgan kunlar

4. koʻchma Biror narsaning asosi, markazi.

  1. Axir Lekin shahri yangi xalq Xitoyining qudratli va ulkan mamlakatning yuragi-ku. T. Joʻrayev, Ulugʻ Xitoyda

  2. Ha, ular Toshkent temir yoʻl ustaxonasi Turkistonda qoʻzgʻolonning yuragi ekanini tushunadilar. N. Safarov, Sharq tongi

5. s. t. Qorin, oshqozon.

  1. Uning yuragi gʻijimlab ogʻriyapti.

yurak soʻzi qatnashgan jumlalar:

Yuragi achimoq (yoki achishmoq)

Achinmoq, kuyinmoq.

  1. Otabekni bu ahvolda koʻrib, Kumushning yuragi achidi. A. Qodiriy, Oʻtgan kunlar

  2. oʻsishi mujmal, allaqanday kasalsimon gʻoʻzalarni koʻrar, yuragi achishar edi. Oybek, Oltin vodiydan shabadalar

Yuragi betlamaslik

Jurʼat qilmaslik, botina olmaslik.

  1. Shundan-shunga chopib kelib, maktab direktoriga uchragani yuragim betlamadi. R. Azizxoʻjayev, Yashil chayla.

Yuragi yorilmoq

1. Nihoyatda qoʻrqmoq.

  1. Uning vahimasidan yuragim yorilay dedi;

2. Juda diqqat boʻlmoq.

  1. Baʼzi vaqt, Yoʻlchivoy, yuragim tars yorilguday boʻladi, dunyo koʻzimga qorongʻi koʻrinadi. Oybek, Tanlangan asarlar

Yuragi jiz etmoq

Qalbida keskin holda yoqimli his-tuygʻu qoʻzgʻalmoq, shunday hisni tuymoq.

  1. Ertalab bu soʻzlar gʻashini keltirgan edi, hozir ham yuragini jiz ettirolmadi. O. Yoqubov, Izlayman

Yuragi jigʻ etmoq

1. ayn. Yuragi jiz etmoq.

  1. Shunda koʻzlar koʻzga toʻqnashdi, Gʻulomjonning yuragi jigʻ etib ketdi. M. Ismoiliy, Fargʻona tong otguncha

2. ayn. Yuragi shuv etmoq.

  1. har kuni salomga kiradigan boʻlib qoldi. Har kirgan-da, soʻyib kelmadimikan, deb yuragim jigʻ etib ketadi. A. Qahhor, Asarlar

Yuragi zir etmoq

Qoʻrquv, bezovtalik hissini tuymoq.

  1. Tantiboyvachchaning yuragi zir etib ketdi. Asabiylanib, oʻzgargan tovush bilan bobilladi Oybek, Tanlangan asarlar

Yuragi yoʻq

Qoʻrqoq, yuraksiz.

Yuragi keng

  1. Yuragingiz muncha ham keng boʻlmasa, koʻzingizga uyqu kelmaganiga hayronman. A. Qahhor, Qoʻshchinor chiroqlari

Yuragi kuymoq

1. Juda tashna boʻlmoq.

  1. Issiqda uzoq yoʻl bosib, yuragim kuydi;

2. Qattiq kuyinmoq.

  1. Yuraklari kuyib ketib Temurxon, Vo bolam, deb mayib norday yigʻlaydi. Hasanxon

Yuragi orziqmoq

Yuragi orqasiga tortmoq

Qattiq choʻchishdan qoʻrquv holatiga tushmoq.

  1. Saroy mulozimini koʻrgach, uning yuragi orqasiga tortib, eti seskanib ketgan edi. M. Osim, Ajdodlarimiz qissasi

Yuragi poʻkillamoq

Qoʻrquvda boʻlmoq; choʻchimoq.

  1. Har yili jiyda guli vaqtida, Soy toshib, yoʻl bekiladigan boʻldi, deb yuraklarimiz poʻkillab turadi. Mushtum

  2. Yuragi yana poʻkilladi. Toshkentning toʻrt dahasi taniydigan davlatmand bu kishining oldiga qanday kiradi? Oybek, Tanlangan asarlar

Yuragi siqilmoq

Diqqat boʻlmoq, diqqati oshmoq.

  1. oradan bir hafta oʻtar-oʻtmas, Buxoroda yuragi siqilib, yolgʻizlik azobini torta boshladi. Mirmuhsin, Meʼmor

Yuragi taka-puka boʻlmoq

Vahima, qoʻr-quv, xavotir holatida boʻlmoq; bezovtalanmoq.

  1. Shu kapalarga yaqinlashgan sayin Sidiqjonning yuragi taka-puka boʻla boshladi. A. Qahhor, Qoʻshchinor chiroqlari

Yuragi tipirchilamoq

Tezlashish harakatida, ishtiyoqida boʻlmoq.

  1. Aziza yuragi tipirchilab kiyindi. Oʻ. Hoshimov, Qalbingga quloq sol

Yuragi tor

Arzimas narsaga siqilaveradigan, tajangligi tutadigan.

  1. Anzirat xola ham yuragi torgina bir kampir, boʻlar-boʻlmasga xarxasha qiladigan. A. Qahhor, Qoʻshchinor chiroqlari

Yuragi toshmoq

Gʻam, hasrat, hayajon va shu kabilar ichiga sigʻmay ketgan holat.

  1. Baʼzan yuragi toshib, butun dardini Unsinga ochishni istaydi. Oybek, Tanlangan asarlar

Yuragi tutday toʻkilmoq

Intizorlikda iztirob chekmoq, dili besaranjom boʻlmoq.

  1. Xuddi birov: E, oʻl-a, shunaqa-da, chiroyli yigitni koʻrsang, yuraging tutday toʻkiladi — deb taʼna qila-yotganday qizardi. A. Qahhor, Sarob

Yuragi uvushmoq

Maʼyus, ezgin holatni tuymoq.

  1. Mana shuni oʻylasam, allaqanday boʻlib ketaman, yuragim uvushadi. A. Qahhor, Qoʻshchinor chiroqlari

Yuragi chiqmoq

1. 1) nihoyatda qoʻrqmoq; esi chiqmoq.

  1. — Ot opqochdi, — dedi Badia. — Yuragimiz chiqib ketdi-ku! Mirmuhsin, Meʼmor

2. Nihoyatda toʻlqinlanmoq.

  1. Bu xabarni eshitib, xursandlikdan yuragi chiqib ketdi.

Yuragi chopmoq

Ishonch bilan botinmoq.

  1. Ammo adresi tayinsiz bu kelinga ham yurak chopmay turibdi. Mushtum

Yuragi shuv etmoq (yoki shigʻ etmoq, shuvullamoq, shigʻillamoq)

Choʻchish, qoʻrquv his etmoq.

  1. Bashirjonning yuragi shuv etib, kayfi uchdi. N. Aminov, Suvarak

  2. Bir odamning toʻnkarilib yotganini koʻrdi. Yuragi shigʻ etib, orqasiga tortib ketdi. Mirmuhsin, Meʼmor

  3. Saodatxonning yuragi shuvullab ketdi. S. Zunnunova, Yangi direktor

  4. Birov Qumrinisa, desa kampirning yuragi shigʻillab ketadi. Mirmuhsin, Bir xumcha tilla

Yuragi oʻynamoq

1. Yuragi tez va kuchli urmoq.

  1. Otini qutidorning yoʻlagiga yetaklar ekan, negadir yuragi oʻynab ketdi. A. Qodiriy, Oʻtgan kunlar

2. koʻchma Vahima bosmoq, qoʻrqmoq, hovliqmoq.

  1. Shu savol boshiga kel-gapda, koʻziga toʻsatdan Kanizak koʻrinib, Sidiqjonning yuragi oʻynab ketdi: Bordi-yu shu boʻlsa-chi. A. Qahhor, Qoʻshchinor chiroqlari

  2. Vahima qilavermanglar, yuragim oʻynab ketyapti Mirmuhsin, Meʼmor

Yuragi qinidan chiqmoq

Nihoyatda hayajonli, talvasali holatga tushmoq.

  1. Margʻilon darvozasidan kirishi bilan uning holi oʻzgara boshlar, yuragi qinidan chiqar darajada edi. A. Qodiriy, Oʻtgan kunlar

Yuragi qon

Juda diqqat, xunob holatli.

  1. Ertadan beri toʻppi, qiyiqcha, jiyak tika berib, yuragi qon boʻlgan qizlar Oydin, Hikoyalar

Yuragiga sigʻmaslik

Maʼqul kelmaslik, yoqmaslik.

  1. Yuragimga sigʻmaydi, sigʻmaydi yuragimga hech narsa! A. Qahhor, Asror bobo

Yuragiga qoʻl solmoq

Sinash, bilish maqsadida bir gap-soʻz aytmoq.

  1. Bir kuni u shu arteldagi Masʼuda degan qizning yuragiga qoʻl solib koʻrdi. Mushtum

Yuragida kiri yoʻq

Birovga yomonlikni ravo koʻrmaydigan, dili pok, dali-gʻuli.

Yuragini boʻshatmoq

Bor dardini toʻkib solmoq.

  1. Oʻrmonjon koʻp ham toʻlib-toshib yurgan ekan, yuragini rosa boʻshatdi. A. Qahhor, Qoʻshchinor chiroqlari

Yuragini yormoq

1. Birovni qattiq qoʻrqitmoq, choʻchitmoq.

  1. Chernetsov jangchilar oldidan uzoqlashgach, Emin Normatga: — Nega yuragimni yorgan edingiz, komissar indamadi-ku, — dedi. I. Rahim, Chin muhabbat

2. ayn. Yuragini ochmoq.

Yuragini ochmoq

Dilidagini maʼlum qilmoq, aytmoq.

  1. Albatta, u oʻz yuragini hech kimga ocha olmagan. Dardini oʻz ichiga yutgan. Oybek, Tanlangan asarlar

  2. Asqar polvon ham yuragini ochdi — yolgʻizgina qizchasini sogʻinganini soʻzladi. Oybek, Quyosh qoraymas

Yuragini tirnamoq

Bezovta holatga solmoq.

  1. Oʻzini qayoqqa qoʻyishini bilmay, yuragini tirnagan kechinmalari bilan hovlida kezdi. Oybek, Tanlangan asarlar

Yuragini changallamoq

Biror narsa haqida oʻta tashvishlanmoq, qoʻrqmoq.

  1. Hayot qozonni yuvdi-yu, qopqogʻini yopib, kirib ketdi. Endi boʻsh sahn-u, uning etagida yuragini changallab oʻtirgan Gʻulomjongina qoldi. M. Ismoiliy, Fargʻona tong otguncha

Yuragini ezmoq

Ruhiy azob bermoq.

  1. Kumushning bu holi bechora onaning yuragini ezar, yuz xil vasvasalarga solar edi. A. Qodiriy, Oʻtgan kunlar

Yuragini hovuchlab

Qoʻrqa-pisa, bezillagan holatda.

  1. Doim oyim bechora yuraklarini hovuchlab oʻtirardilar. E. Raimov, Ajab qishloq

Yurak oldirmoq

Qoʻrqib, choʻchib qolmoq.

  1. Bir doʻqqa shunchalik yurak oldiribsiz, yashang-ye, rais aka! S. Anorboyev, Oqsoy

Yurak tepishi

Yurak faoliyatining tezlashish yoki zaiflashish holati.

  1. Jannat ona eshikni ochib, uyga kirganda, u ohistagina zambil ostidan chiqdi, uning yurak tepishi hali ham shiddatli edi. A. Qodiriy, Oʻtgan kunlar

Yurak yutib

Tan tortmay, qoʻrqmay.

  1. Nahot siz bu ishga bosh qoʻshib, yurak yutib, mening ostonamga kelsangiz? K. Yashin, Hamza

Yurak oʻynogʻi

Yurakning bezovta boʻlishi.

  1. Bir kuni uyda yotib, yaxshi uyqusi kelmay, yurak oʻynogʻisi qoʻzib chiqqan ekan. H. Nazir, Yonar daryo

  2. Eʼzozxonning yurak oʻynogʻi hadeganda bosila bermadi. H. Gʻulom, Mashʼal

Yurak buruq

ayn. Yurak burugʻ.

  1. Sogʻliqni saqlash boʻlimidan choʻponlar oʻrtasida yurak buruqqa qarshi profilaktika oʻtkazish toʻgʻrisida koʻrsatma bor. S. Anorboyev, Oqsoy

Yurak ogʻrigʻi

1. Ich buzilishi, qorin ogʻrigʻi;
2. koʻchma Qatʼiyatsiz, mujmal.

YURAK so‘zining sinonimlarini Sinonim.uz saytida qidirib ko‘ring.

ЮРАК so‘zining kirillcha yozilishi Lotin.uz sayti tomonidan taqdim qilingan.

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.
Saytdagi o‘rni
717
So‘zning teskari yozilishi
karuy
Harflar soni
5
Ko‘rishlar soni
386

yurak so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

Avloniy abonent abadiyat abro‘ Yevrokomissiya ablahlarcha achinarli Orolbo‘yi Nizomiy
yurak so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, yurak so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida

Loyihalarimiz

TVinfo.uz — Bugun, ertaga va keyingi hafta uchun to‘liq teledasturlar.

TVinfo.uz — Телепрограмма на сегодня, завтра и ближайшую неделю.

tvinfo.uz

O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.

Полный смысл, происхождение, формы узбекских имён. Узнайте смысл своего имени и имён близких.

ismlar.com

DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.

DostavkaInfo — Каталог сервисов, предлагающих доставку еды, лекарств, книг и товаров для дома.

dostavkainfo.uz

Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.

Lotin.uz — поможет транслитерировать с узбекской кириллицы на латиницу и обратно. Легко!

lotin.uz

Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).

Самая большая коллекция пословиц и поговорок на трёх языках (узбекский, русский, английский).

maqollar.uz

Har kuni eng sara latifalar va kulguli rasmlar. O‘zbek tilidagi kulgu markazi!

Ежедневно только отборные анекдоты, смешные картинки. Кузница юмора на узбекском языке!

latifa.uz

Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.

Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.

onmap.uz

O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.

Самый большой каталог телеграм каналов в Узбекистане. Только активные каналы по категориям и с подробной статистикой.

uztelegram.com

O‘zbek tilida savodli yozishni biz bilan boshlang.

С нами вы научитесь грамотно писать на узбекском языке.

sarlavha.com

O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.

Словарь синонимов узбекского языка на нашем сайте содержит более 3300 слов и 900 синонимов.

sinonim.uz
ibora.uz salsa.uz skripka.uz slovo.uz television.uz vatt.uz iboralar.uz resumes.uz havo.uz
Izoh.uz saytining bazasida jami 35 855 ta so‘z bor
Aloqa Telegram
© Izoh.uz — O‘zbek tilining izohli lug‘ati, 2014–2024
Obuna va GoodGroup loyihasi. 18+