чатиш

1. Чатмоқ феълининг биргалик нисбати.

2. Дурагай бўлмоқ, дурагайлашмоқ.

1. Чатишган моллар.

3. Узоқ қариндошлик муносабати билан боғланмоқ.

1. — Аҳмад Яссавий балки бизнинг пиримизга чатишган қариндошдир? — сўради мажлис аҳлидан бири. Ойбек, Улуғ йўл

2. Асли улар билан Анзиратларнинг чатишган жойи бор — қариндош. Ёшлик

4. Бир-бири билан қўшилиб, бирлашиб кетмоқ.

1. Бобоқайрағочнинг ўзаро чатишиб кетган шохларига боқиб, исломий мўъжиза, деб ўйлади йигит. С. Сиёев, Ёруғлик

2. Бепоён далада бир ботир ухлар: Сочлари чатишиб кетган гиёҳга. Х. Даврон

5. кўчма Ўзаро қўшилмоқ, бирлашмоқ.

1. Хоразм воҳаси ўзбек достончилигининг ўзига хос, эпик анъаналар чатишиб кетган этник регионларидан биридир. ЎТА

2. Авазнинг гапида енгил киноя билан самимий эҳтиром нозик бир усулда чатишиб кетган эди. С. Сиёев, Аваз