chatish

1. Chatmoq feʼlining birgalik nisbati.

2. Duragay boʻlmoq, duragaylashmoq.

1. Chatishgan mollar.

3. Uzoq qarindoshlik munosabati bilan bogʻlanmoq.

1. — Ahmad Yassaviy balki bizning pirimizga chatishgan qarindoshdir? — soʻradi majlis ahlidan biri. Oybek, Ulugʻ yoʻl

2. Asli ular bilan Anziratlarning chatishgan joyi bor — qarindosh. Yoshlik

4. Bir-biri bilan qoʻshilib, birlashib ketmoq.

1. Boboqayragʻochning oʻzaro chatishib ketgan shoxlariga boqib, islomiy moʻjiza, deb oʻyladi yigit. S. Siyoyev, Yorugʻlik

2. Bepoyon dalada bir botir uxlar: Sochlari chatishib ketgan giyohga. X. Davron

5. koʻchma Oʻzaro qoʻshilmoq, birlashmoq.

1. Xorazm vohasi oʻzbek dostonchiligining oʻziga xos, epik anʼanalar chatishib ketgan etnik regionlaridan biridir. OʻTA

2. Avazning gapida yengil kinoya bilan samimiy ehtirom nozik bir usulda chatishib ketgan edi. S. Siyoyev, Avaz