чиз
билан улашинг
1. Чизиқ тортмоқ, туширмоқ.
-
Тўғри чизиқ чизмоқ.
-
Боғча боласи ва мактаб ўқувчиси мактабга бориш ёки қайтишда кўчадаги дарахтларни синдирса, уй деворларига чизиб ўтса Н. Сафаров, Оловли излар
-
Штаб бошлиғи Йўлдош ясама столга мукка тушиб, нималардир чизарди. Шуҳрат, Шинелли йиллар
2. Туширмоқ, солмоқ, тасвирламоқ (расм ёки сўз билан).
-
Расм чизмоқ.
-
Юртим, суратингни энтикиб чизсам, Сенинг суратингни чизсам, онажон! Х. Даврон.
-
Кумушнинг бу дақиқадаги ҳолини қалам билан чизиб кўрсатиш, албатта, мумкин эмас эди. А. Қодирий, Ўтган кунлар
-
Бобур лирикасида маъшуқа образи катта маҳорат билан чизилган. ЎТА
3. сўзлашув тили Тизмоқ, қатор қилмоқ.
-
Қўшиқ, бостон сабабин Чизиб кетди битталаб. Ғайратий
-
[Ҳожи] Отабекни эпақага олиш учун унга кулги туюлган бир қанча насиҳатларни чизди. А. Қодирий, Ўтган кунлар
4. кўчма Кўрсатмоқ, кўрсатиб бермоқ (йўл, режа ва шу кабиларни).
-
Мен бир вақт сенга йўл чизиб берган эдим-ку, шундан чиқма: Пахтани биринчи қўлдан ол. Деҳқонларга пулни қишда тарқат. Пул билан оёғига кишан ур. Ойбек, Танланган асарлар
чиз сўзи қатнашган жумлалар:
Ер чизиб қолмоқ (ёки ўтирмоқ)
-
Қамбар ака қизариб, ер чизиб ўтирар эди. А. Қаҳҳор, Қўшчинор чироқлари
-
Юсуф ер чизиб, қилт этмасдан ўтирарди. Ёшлик
ЧИЗ сўзининг синонимларини Sinonim.uz сайтида қидириб кўринг.
CHIZ сўзининг лотинча ёзилиши Lotin.uz сайти томонидан тақдим қилинган.
чиз сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
