нари
билан улашинг
1. Сўзловчидан ёки сўз бораётган пайт ё ўриндан узоқ, олис.
-
Нари тур. Ҳечқиси йўқ, бир кун нари, бир кун бери. Вокзалдан нари. Тошкентдан нари.
-
Анварни ўзлари турган маҳалладан бир гузар нари бўлган Солиҳ махдумнинг мактабига берди. А. Қодирий, Меҳробдан чаён
-
Қизлар энди нари ёт, бери ёт билан бир-бирларини итариб, суриб, кўрпани тўрт томонга тортишиб, жанжаллаша бошладилар. А. Қодирий, Меҳробдан чаён.
2. (ч. к. билан) кўм. взф. Кейин; ўтгач.
-
Мактабдан нарими, берими?
нари сўзи қатнашган жумлалар:
Кўздан нари
-
Кўздан нари — кўнгилдан нари. Мақол
Нари борса ёки нариси билан
-
Нариси билан, ўн кунлик иш.
-
У [хотин] истараси иссиққина, нари борса, йигирма беш ёшларда эди. А. Қаҳҳор, Қўшчинор чироқлари.
Нари олиб бориб, бери олиб келмоқ
-
Овқат ҳазм бўлмай, мени нари олиб бориб, бери олиб келди.
Нари турсин
-
Бизда милтиқ нари турсин, бир косов ҳам йўқлигини ўзингиз яхши биласиз. С. Айний, Қуллар.
Ундан нари(га)
-
Келса келар, келмаса ундан нари(га).
Хаёлидан (ёки кўз олдидан) нари кетмаслик
-
Остонада ўша қиз, шунча кундан буён унинг хаёлидан нари кетмай қолган ўша қизнинг ўзгинаси турарди. Ў. Ҳошимов, Қалбингга қулоқ сол
-
Уйда ёлғиз ўтирганида ҳам, ишда ҳам Гулхайрининг назокатли боқишлари, ҳароратли лаблари кўз олдидан нари кетмай, юрагига ўт туташади. С. Нуров, Нарвон
НАРИ сўзининг синонимларини Sinonim.uz сайтида қидириб кўринг.
NARI сўзининг лотинча ёзилиши Lotin.uz сайти томонидан тақдим қилинган.
нари сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
