нота

1. Муайян баландлик ва чўзиқликдаги товушни (мусиқани) ёзиб олишда қўлланадиган шартли график белги.

1. Малика опера санъати сирларини ўрганиши, нота ёзувларини пухта эгаллаши учун тўққиз йил тинимсиз изланишда бўлди. Газетадан

2. Мусиқа ёки ашулада товушнинг ўзи.

1. Баланд нота. Паст нота.

3. Шундай белгилар билан ёзилган мусиқа асари матни; шундай матнлар ёзилган дафтар, китоб ва шу кабилар

1. — Композитор қайси чолғувчи қачон чалишини кўрсатиб берган, мана нотаси, — деди дирижёр Салоҳовга. С. Аҳмад, Музикали воқеа

Бир давлатнинг бошқа бир давлатга ёзган расмий дипломатик мурожаатномаси.

1. Дипломатик нота. Россия ҳукуматининг АҚШ ҳукуматига нотаси.