ўл
билан улашинг
1. Ҳаёти тугамоқ, яшашдан тўхтамоқ, қазо қилмоқ.
-
Ўз ажали билан ўлмоқ. Йиқилиб ўлмоқ. Ботир ўлса, номи қолар, Номард ўлса, неси қолар. Мақол
-
Кечга яқин йўл устида ярадор лейтенант ўлди. Ойбек, Қуёш қораймас
-
Бунинг устига кутилмаганда бир сурувдан устма-уст иккита қўй касалланиб ўлди. П. Қодиров, Қора кўзлар
2. Йўқ бўлмоқ, барҳам топмоқ.
-
Ҳаваси ўлмоқ. Иштаҳаси ўлмоқ.
-
Муҳташам саройларнинг зиёси кетган, Ўлаётган синфдек зиёси кетган. Ғайратий
-
Ер юзида ўлмасин, номингни сақлаб қолгин. У. Исмоилов, Сайланма
3. Бирор сифати, хусусияти ва шу кабиларни йўқотмоқ, яроқсиз ҳолга келмоқ.
-
Ўлган оҳак.
-
Робия хола қайноғи ўлиб қолган чойдишга ўт қалаб юборди. С. Зуннунова, Олов
4. Бирор ҳаракат-ҳолат таъсирида жуда ночор, оғир аҳволда қолганликни билдиради.
-
Мирмуродов соатни бир амаллаб олти қилгунча ўлаёзди. Гулдаста
-
Э, вокзалнинг олдида ўлдим-чарчадим, афтимнинг куясини кўр. Ойбек, Болалик
5. кўм. fl.vzf . Етакчи феъл билдирган ҳаракатни кучайтириб ифодалайди, ортиқ даражасини қайд этади.
-
[ Тўйбека:] Мени эрга берганларида, сенга ўхшаш мен ҳам йиғлаган эдим, аммо ичимда никоҳ кунининг тезроқ келишини кута-кута ўлган эдим. А. Қодирий, Ўтган кунлар
-
Қимматхон ҳар келганида, она сигирдай ялаб-юлқаб ўлади. Шуҳрат, Жаннат қидирганлар
ўл сўзи қатнашган жумлалар:
Ажалидан беш кун бурун ўлмоқ
-
[ Кумуш:] Ўғрилар тешиб, олдимга чиққанларида, мен нима қилар эдим? Оҳ, отажон! Мен ажалимдан беш кун бурун ўлар эдим. А. Қодирий, Ўтган кунлар
Уятга (ёки номусга) ўлмоқ
-
Сидиқжон номусга ўлиб, ғазабидан кўзига қон тўлиб, нима қилишини билмай, хийла туриб қолди. А. Қаҳҳор, Қўшчинор чироқлари
Эти ўлмоқ
-
Дарра келгунча этим ўлиб, дарра еганим билинмайди. Латифалар
-
Ё ғирт содда, ё анойи ёки аёлларни кўравериб Поччаев аччиқ ҳазил, кинояли гаплар, ҳатто калака қилишлар ҳам кор қилмайдиган бўлиб, эти ўлиб қолган эди. А. Мухтор, Туғилиш
Ўлай агар
-
Ўлай агар, кўрганим йўқ.
-
ўлай агар, бор-йўқ пулим шу, мен мусофирман. Х. Тўхтабоев, Ширин қовунлар мамлакати
Ўлганнинг кунидан
-
Ўлганимнинг кунидан рози бўлдим.
-
Ўлганимнинг кунидан чолга тегиб бораман. Қўшнилар
Ўлганнинг устига кўмган
-
Буниси ўлганнинг устига кўмган бўлди. Муштум
Ўлганнинг устига (чиқиб) тепмоқ
-
Худойга шукур, қўлингда хатинг бор, ўлганнинг устига чиқиб тепгандек хат-хабарсиз қўйма! А. Қодирий, Ўтган кунлар
Ўлиб бўлдим ёки ўлар бўлсам, ўлиб бўлдим
-
Уҳ, ўлиб бўлдим, қизим! Ёлғиз қўйни ҳайдаш нуқул азоб! Ойбек, Танланган асарлар
-
Юпатгунимизча эр-хотин ўлиб бўлдик. С. Зуннунова, Янги директор
-
Шарифжон, ўлар бўлсам, ўлиб бўлдим. Бу поччанг мени адо қилди. Э. Раимов, Ажаб қишлоқ
Ўлиб турган (ёки юрган) экан
-
дўндиқчангни муҳайё қилиб берайлик, дедим. Жонкелди ўлиб турган экан, қулоқ қоқмай, хўп, деди. А. Қодирий, Ўтган кунлар
-
Бирорта ҳамёни каттароққа пулласам, деб томоғи қақраб ўлиб юрибди. П. Турсун, Ўқитувчи
Ўлмаган менинг жоним (ёки сенинг жонинг)
-
Вой, Марасул ака-ей, ўлмаган сизнинг жонингиз! Бу шаллақи билан қанақа умр қилиб кела-ётибсиз? А. Қаҳҳор, Оғриқ тишлар
Ўлса ҳам
-
Ўз отасини сийламаган, ўлса ҳам бизни одам ўрнида кўрмас! Ёдгор
ЎЛ сўзининг синонимларини Sinonim.uz сайтида қидириб кўринг.
O‘L сўзининг лотинча ёзилиши Lotin.uz сайти томонидан тақдим қилинган.
ўл сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
Izoh.uz лойиҳаси ҳақида
Izoh.uz — Ўзбек тилининг халқона изоҳли луғати 35 000 дан ортиқ сўзларнинг маънолари ибора ва мисоллар билан келтирилган.
Йиллар давомида “Ўзбек тили куни”га бағишлаб, ўзбек тилини ўрганувчилар, журналистлар, таржимонлар, копирайтерлар, блогерлар ва бошқалар учун фойдали лойиҳаларни ишга туширишни анъанага айлантирганмиз. Бизнинг жамоа Lotin.uz, Imlo.uz, Sinonim.uz, Sarlavha.com лойиҳаларини ҳукмингизга ҳавола қилган.
Батафсил Izoh.uz лойиҳаси ҳақидаЛойиҳаларимиз
TVinfo.uz — Bugun, ertaga va keyingi hafta uchun to‘liq teledasturlar.
TVinfo.uz — Телепрограмма на сегодня, завтра и ближайшую неделю.
O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.
Полный смысл, происхождение, формы узбекских имён. Узнайте смысл своего имени и имён близких.
DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.
DostavkaInfo — Каталог сервисов, предлагающих доставку еды, лекарств, книг и товаров для дома.
Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.
Lotin.uz — поможет транслитерировать с узбекской кириллицы на латиницу и обратно. Легко!
Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).
Самая большая коллекция пословиц и поговорок на трёх языках (узбекский, русский, английский).
Har kuni eng sara latifalar va kulguli rasmlar. O‘zbek tilidagi kulgu markazi!
Ежедневно только отборные анекдоты, смешные картинки. Кузница юмора на узбекском языке!
Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.
Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.
O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.
Самый большой каталог телеграм каналов в Узбекистане. Только активные каналы по категориям и с подробной статистикой.
O‘zbek tilida savodli yozishni biz bilan boshlang.
С нами вы научитесь грамотно писать на узбекском языке.
O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.
Словарь синонимов узбекского языка на нашем сайте содержит более 3300 слов и 900 синонимов.