план

1. Текисликдаги жой, нарса, иншоот ва шу кабиларни масштаб бўйича батафсил тасвирловчи шартли белгилари бўлган чизма.

1. Бинонинг плани. Шаҳарнинг плани.

2. Геологлар шаҳарчасининг марказий кўчаси план асосида қайта қурилмоқда. С. Анорбоев, Ўзбекистон олтини

3. Қишлоқнинг планини, кўчаларини, уйларини кўрдингиз. Мана бу кўча ҳозирги гўристоннинг бир чеккасидан ўтади. А. Қаҳҳор, Қўшчинор чироқлари

2. айнан Режа 2.

1. Беруний тумани соҳибкорлари йиллик план бажарилганлиги ҳақида рапорт бердилар. Газетадан

2. [Дилбар:] Пешқадам ишчи кунига пландаги 480 та ўрнига 650 тача рўмолнинг четини тикади. Газетадан

3. эскирган Бирор ишни амалга ошириш тартиби.

1. Саёҳат плани.

2. Солиҳ лабораторияга кириб, ўз жойига ўтирди-да, қилиниши керак бўлган тажрибалар планини туза бошлади. О. Мўминов, Хиёбондаги уч учрашув

3. Қани, айт-чи, бирор мақсадинг, планинг борми ўзи ўйлаб юрган? Т. Ашуров, Оқ от

4. эскирган Бирор нарсани баён этишдаги муайян тартиб, изчиллик.

1. Диссертация плани. Лекция плани. Ҳикоя плани. Дарс плани.

2. Ўртоқ Обидов бу конспект эмас, план [деди Нишонов]. С. Зуннунова, Янги директор

5. кино Объектнинг, масалан, кинокадрда суратга олинган майдоннинг тасвирдаги ўрни ва унинг катта-кичиклиги.

1. Олдинги план. Йирик план. Тасвирларни ўртача планда бермоқ. Юзни йирик планда суратга олмоқ.