Izoh.uz сайтида расво сўзининг изоҳи ва маънолари

расво

Сўзни дўстлар
билан улашинг

сифат

1. Ножўя хатти-ҳаракати, юриш-туриши билан эл назаридан қолган; ярамас, разил.

Расво одам.
Тавба, — деди у ўзига-ўзи, — ярим соат ичида икки расво одам билан учрашсам-а. Ҳаётида ҳеч маҳал бунчалик ярамас тасодифга йўлиқмаган эди. Мирмуҳсин, Умид

2. Жуда ҳам ёмон, танқиддан тубан.

Расво гап.

3. Жуда ҳам ёмон, ярамас; нокас.

Унинг хунуклиги устига икки дунёси ҳам расво — ҳасадчи эди. Мирмуҳсин.
Божаси расво эканини билардим. Шукрулло, Сайланма
Жайдари ғўзадай мижғов, расво экинни деҳқон боласи билмаса керак. Ғ. Ғулом, Алиқулнинг қарзи

4. Издан чиқиб кетган, ёмон аҳволга тушиб қолган; ёмон, пачава.

[Ўрмон Дадавойга:] Қаердаки интизом маҳкам, у ерда иш йирик. Қаердаки интизом бузилди, у ерда иш расво. Уйғун, Навбаҳор
Ишни расво қилди-ку Падар лаънат Тошбақа. Ёшлик

5. Бузуқ, бадахлоқ.

расво сўзи қатнашган жумлалар:

Расво бўлмоқ ёки расвоси чиқмоқ

1. Эл назаридан қолмоқ, эл назарида шармандайи шармисор бўлмоқ.

Ана шундай қилиб эсдан ҳам ажрарсиз эл ичида кулгига ҳам қолурсиз, расво ҳам бўлурсиз! А. Қодирий, Ўтган кунлар

2. Ишдан чиқмоқ; бузилмоқ.

Пой сачраб, кийими расво бўлди. Яп-янги жинси шим ҳам расво бўлди. Шарқ юлдузи

3. Пачава бўлмоқ, бузилмоқ.

— Башарти хат душман қўлига тушгудай бўлсами, ишимиз расво бўлади, — деди унга командир вазифани тушунтирар экан. А. Раҳмат, Варракчи чол

4. Бузилмоқ, ёмон йўлга кирмоқ.

Расво қилмоқ ёки расвосини чиқармоқ

1. Шармандайи шармисор қилмоқ.

— Лозимидан бўлак ҳамма ёғини ечириб, расво қилиб чиқаришибди, — деди Ҳожи хола. М. Исмоилий, Фарғона тонг отгунча

2. Кирдикорларни очиб ташламоқ.

— Ҳароми мени тоза расво қилганга ўхшайди, — деди ўзича [Ҳожи]. А. Қаҳҳор, Йиллар
— Расвомизни чиқаришибди, — деди Саидваққос энтикиб [Обидхўжага]. Сўнг чўнтагидан газета чиқарди. — Фелетон қилишибди. Х. Тўхтабоев, Фелетондан сўнг

3. Ифлос қилмоқ, ёмон аҳволга келтирмоқ.

Она! — Холиса ўгирилиб қаради, катта хона полида мушукчасига сут бўктирилган нонни едиролмай ўтирган ўғилчасига кўзи тушди: — Ҳой, полни расво қилибсан-ку! С. Нуров, Нарвон
— Вой-бў, ҳовлини расво қилибсизлар-ку, — дейди Фотима опа тоғора изларини кўриб. Р. Файзий, Сен етим эмассан

4. Издан чиқармоқ, бузмоқ, пачава қилмоқ.

Шукур Каримович ғўдайиб турган Салимхон Обидийга хўмрайди: — Домла, расво қилдингиз! — деб пўнғиллади. Мирмуҳсин, Умид
— Ўша фелетон ҳамма ишни расво қилиб ташлади. Матбуотда эълон қилиндими — тамом. Ғишт қолипдан кўчди. Н. Аминов, Қаҳқаҳа

5. Бузмоқ, ёмон йўлга солмоқ.

Қизларни ҳам расво қиляпсиз. С. Зуннунова, Олов
— Болалар мени яхши кўрсин, деб уларни расво қиляпсиз, ўртоқ Султонова [деди Баратов]. С. Зуннунова, Янги директор
Чакки қилади Шоқосим ака. Наша бир куни уни расво қилади. Ойбек, Танланган асарлар

Расвойи олам (ёки жаҳон) бўлмоқ

Ҳамманинг олдида шармандайи шармисор бўлмоқ, обрўси тўкилмоқ.

Замондин замон ўтиб, уларнинг дилида яхшилик, мурувват, ҳамият, инсоф-у адолат чироғи ёнармикин ёхуд то қиёмат қадар шундай бадбахтлик ботқоғида расвойи олам бўлиб қолармикинлар? С. Сиёев, Ёруғлик
Буларни ўйлаганда, Тожибойнинг ичини қоронғи босиб, кўз олди тиниб кетди. Йўқ, кимсан — Тожибой оқсоқол бундай расвойи жаҳон бўлиш учун туғилган эмас. П. Турсун, Ўқитувчи

РАСВО сўзининг синонимларини Sinonim.uz сайтида қидириб кўринг.

RASVO сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

5080

Сўзнинг тескари ёзилиши

овсар

Ҳарфлар сони

Кўришлар сони

900

расво сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

аълочилик абразив абстракция абжад абсолютизм абадият абадий абёт абонент

расво сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, расво сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар