Izoh.uz saytida rasvo so‘zining izohi va ma’nolari

rasvo

So‘zni do‘stlar
bilan ulashing

sifat

1. Nojoʻya xatti-harakati, yurish-turishi bilan el nazaridan qolgan; yaramas, razil.

Rasvo odam.
Tavba, — dedi u oʻziga-oʻzi, — yarim soat ichida ikki rasvo odam bilan uchrashsam-a. Hayotida hech mahal bunchalik yaramas tasodifga yoʻliqmagan edi. Mirmuhsin, Umid

2. Juda ham yomon, tanqiddan tuban.

Rasvo gap.

3. Juda ham yomon, yaramas; nokas.

Uning xunukligi ustiga ikki dunyosi ham rasvo — hasadchi edi. Mirmuhsin.
Bojasi rasvo ekanini bilardim. Shukrullo, Saylanma
Jaydari gʻoʻzaday mijgʻov, rasvo ekinni dehqon bolasi bilmasa kerak. Gʻ. Gʻulom, Aliqulning qarzi

4. Izdan chiqib ketgan, yomon ahvolga tushib qolgan; yomon, pachava.

[Oʻrmon Dadavoyga:] Qayerdaki intizom mahkam, u yerda ish yirik. Qayerdaki intizom buzildi, u yerda ish rasvo. Uygʻun, Navbahor
Ishni rasvo qildi-ku Padar laʼnat Toshbaqa. Yoshlik

5. Buzuq, badaxloq.

rasvo soʻzi qatnashgan jumlalar:

Rasvo boʻlmoq yoki rasvosi chiqmoq

1. El nazaridan qolmoq, el nazarida sharmandayi sharmisor boʻlmoq.

Ana shunday qilib esdan ham ajrarsiz el ichida kulgiga ham qolursiz, rasvo ham boʻlursiz! A. Qodiriy, Oʻtgan kunlar

2. Ishdan chiqmoq; buzilmoq.

Poy sachrab, kiyimi rasvo boʻldi. Yap-yangi jinsi shim ham rasvo boʻldi. Sharq yulduzi

3. Pachava boʻlmoq, buzilmoq.

— Basharti xat dushman qoʻliga tushguday boʻlsami, ishimiz rasvo boʻladi, — dedi unga komandir vazifani tushuntirar ekan. A. Rahmat, Varrakchi chol

4. Buzilmoq, yomon yoʻlga kirmoq.

Rasvo qilmoq yoki rasvosini chiqarmoq

1. Sharmandayi sharmisor qilmoq.

— Lozimidan boʻlak hamma yogʻini yechirib, rasvo qilib chiqarishibdi, — dedi Hoji xola. M. Ismoiliy, Fargʻona tong otguncha

2. Kirdikorlarni ochib tashlamoq.

— Haromi meni toza rasvo qilganga oʻxshaydi, — dedi oʻzicha [Hoji]. A. Qahhor, Yillar
— Rasvomizni chiqarishibdi, — dedi Saidvaqqos entikib [Obidxoʻjaga]. Soʻng choʻntagidan gazeta chiqardi. — Felyeton qilishibdi. X. Toʻxtaboyev, Felyetondan soʻng

3. Iflos qilmoq, yomon ahvolga keltirmoq.

Ona! — Xolisa oʻgirilib qaradi, katta xona polida mushukchasiga sut boʻktirilgan nonni yedirolmay oʻtirgan oʻgʻilchasiga koʻzi tushdi: — Hoy, polni rasvo qilibsan-ku! S. Nurov, Narvon
— Voy-boʻ, hovlini rasvo qilibsizlar-ku, — deydi Fotima opa togʻora izlarini koʻrib. R. Fayziy, Sen yetim emassan

4. Izdan chiqarmoq, buzmoq, pachava qilmoq.

Shukur Karimovich gʻoʻdayib turgan Salimxon Obidiyga xoʻmraydi: — Domla, rasvo qildingiz! — deb poʻngʻilladi. Mirmuhsin, Umid
— Oʻsha felyeton hamma ishni rasvo qilib tashladi. Matbuotda eʼlon qilindimi — tamom. Gʻisht qolipdan koʻchdi. N. Aminov, Qahqaha

5. Buzmoq, yomon yoʻlga solmoq.

Qizlarni ham rasvo qilyapsiz. S. Zunnunova, Olov
— Bolalar meni yaxshi koʻrsin, deb ularni rasvo qilyapsiz, oʻrtoq Sultonova [dedi Baratov]. S. Zunnunova, Yangi direktor
Chakki qiladi Shoqosim aka. Nasha bir kuni uni rasvo qiladi. Oybek, Tanlangan asarlar

Rasvoyi olam (yoki jahon) boʻlmoq

Hammaning oldida sharmandayi sharmisor boʻlmoq, obroʻsi toʻkilmoq.

Zamondin zamon oʻtib, ularning dilida yaxshilik, muruvvat, hamiyat, insof-u adolat chirogʻi yonarmikin yoxud to qiyomat qadar shunday badbaxtlik botqogʻida rasvoyi olam boʻlib qolarmikinlar? S. Siyoyev, Yorugʻlik
Bularni oʻylaganda, Tojiboyning ichini qorongʻi bosib, koʻz oldi tinib ketdi. Yoʻq, kimsan — Tojiboy oqsoqol bunday rasvoyi jahon boʻlish uchun tugʻilgan emas. P. Tursun, Oʻqituvchi

RASVO so‘zining sinonimlarini Sinonim.uz saytida qidirib ko‘ring.

РАСВО so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

5080

So‘zning teskari yozilishi

ovsar

Harflar soni

Ko‘rishlar soni

900

rasvo so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

G‘ijduvoniy abjaq abajur abadiy abzalla Shekspir abjad aʼlo achchiqlanish

rasvo so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, rasvo so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar