шатак
билан улашинг
1. Узи юролмайдиган улов, транспорт воситасини бошқа уловга, транспорт воситасига тиркаб олиб юриш усули; тиркаладиган ёки тирковга оладиган нарса.
-
Қумри қатъият билан машинага югурди-да, кузовга ташлаб қўйган, шатак тиркаш учун ишлатиладиган сим арқонни судраб келтирди. С. Аҳмад, Ойдин кечалар
-
У иккинчи қаторни охирламаёқ, бункери оқ олтинга лиммо-лим тўлганини кўриб, суюниб кетди. Дала четидаги шатаклар эса аллақачондан бери унга мунтазир эди. Ш. Ғуломов, Ёрқин уфқлар
-
Директор устахонадан шатак билан аранг олиб чиқилаётган тракторни кўриб, азбаройи жаҳли чиққанидан, тилини тишлаб олаёзди. Муштум
2. кўчма Қолоқ, ночор аҳволдан олиб чиқиш, судраш, юргизиш учун ёрдам берувчи шахс, нарса; ёрдам; кўмак.
-
Кечаги-на бошқаларнинг шатагига муҳтож бўлган бригада — бугун, қарабсизки, илғор. Газетадан
-
Кучи кетиб, эплай олмаяпти, ёрдам қилиш керак, деб ёнингизга шатак берсак, асов отдек тепкилайсиз. Қаҳрамоннома
шатак сўзи қатнашган жумлалар:
Шатак қилмоқ
-
зўрлиги билан донғи чиққан тўриқ отни аравага қўшиб, унинг ёнига бошқа бир отни шатак қилиб, зўрға судраб келдик. С. Айний, Қуллар
Шатакка олмоқ
-
Юки оғир от., олға интилмаса, ё шатакка олинади, ёки аравадан чиқариб, бошқа от қўшилади. Шарқ юлдузи
-
Кўздан йироқлашган трактор кўп ўтмай машинани шатакка олиб қайтди. Ўзбекистон қўриқлари;
-
Кўпчилик йигитлар сакраб ерга тушиб, арқонни боғлаб, машинани шатакка олдилар. Ш. Ғуломов, Бўз ер уйғонди
-
Ўтсам-ўтмасам, хавотир эмасман. Биласиз-ку, раис, шатакка олиб юрган йигитмиз. Қаҳрамоннома
-
Биз паст ҳосилли бригадалардан бирини шатакка олишга қарор бердик. Газетадан
ШАТАК сўзининг синонимларини Sinonim.uz сайтида қидириб кўринг.
SHATAK сўзининг лотинча ёзилиши Lotin.uz сайти томонидан тақдим қилинган.
шатак сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
