таъзим
билан улашинг
1. Юксак ҳурмат, миннатдорлик, таҳсин.
-
Саид Аҳмад ҳикояларида таъзимга сазовор образлар талайгина. Ф. Насриддинов, Таъзим ва таъзир
-
Худоёр исмини эшитувчи аёнлар унинг таъзими учун ўринларидан туриб, яна ўтирдилар. А. Қодирий, Ўтган кунлар
-
одоб, таъзим хусусида онаси анча-мунча гапларни уқтириб юборгани учун дастурхонни тезгина йиғиштириб, чой ича бошлади. Ойбек, Танланган асарлар
2. Шундай ҳурмат ифодаси сифатида эгилиб, бошни қуйи солиш ёки қўлни қовуштириш, кўксига қўйиш.
-
Таъзим билан қарши олмоқ.
-
Раҳим ака таъзим билан икки-уч қадам орқага тисарилди. Ф. Мусажонов, Ҳиммат
-
У дарвозадан кириб, супага ўн-ўн беш қадам қолганда, қўл қовуштириб, таъзим билан Ассалому алайкум, деди. Ойбек, Танланган асарлар
таъзим сўзи қатнашган жумлалар:
Таъзим қилмоқ (ёки этмоқ)
-
Атрофда тобора одам кўпайиб борар, биров унга узоқдан таъзим қилар, биров қуюққина кўришар, нотаниш кишилар секин калла силкиб қўярди. С. Сиёев, Ёруғлик
-
Ганчхок [ганч кукуни] қораётган йигит Меъморга илгаригидек салом бериб, таъзим этди. Мирмуҳсин, Меъмор
ТАЪЗИМ сўзининг синонимларини Sinonim.uz сайтида қидириб кўринг.
TAʼZIM сўзининг лотинча ёзилиши Lotin.uz сайти томонидан тақдим қилинган.
таъзим сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
