O‘zbek tilining
izohli lug‘ati
ЎЗ
Izoh.uz saytida bozor so‘zining izohi va ma’nolari

bozor

ot

1. Aholi savdo-sotiq qiladigan maxsus joy, maydon.

  1. Otang — bozor, onang — bozor. Maqol

  2. Aql bozorda sotilmas. Maqol

  3. Yurt boy boʻlsa, uning bozori ham toʻkin boʻladi. U. Normatov, Talant tarbiyasi

  4. Bir aylanib kelay, deb Quva bozoriga chiqdim. S. Ahmad, Ufq

2. Shunday joyda savdo-sotiq qilinadigan kun.

  1. Oyda-yilda bir bozor, uniyam yomgʻir buzar. Maqol

  2. Bugun bozor boʻlgani uchun Yodgor kech uygʻondi. Oʻ. Hoshimov, Qalbingga quloq sol

  3. Qoʻyavering, bugun bozor-ku, birpas dam olsinlar. Oʻ. Hoshimov, Qalbingga quloq sol

3. koʻchma Gʻala-gʻovur, chugʻur-chugʻur, shovqin-suron, shoʻxlik holati.

  1. Bolali uy — bozor, bolasiz uy — mozor. Maqol

  2. Bugun dala shiyponida bozor boʻldi. Hamma sizdan dargʻazab, raislikdan tushirmoqchilar. Sh. Rashidov, Boʻrondan kuchli

  3. Munira tugʻruqxonadan chiqqan kuni uy bozor boʻlib ketdi. F. Musajonov, Himmat

  4. Tong yorishib, gujumlarda qushlar bozori boshlangan edi. S. Siyoyev, Yorugʻlik

4. iqt. Sotuvchilar bilan xaridorlar oʻrtasidagi tovar ayirboshlash munosabatlari.

  1. Jahon bozori. Tashqi bozor. Ichki bozor. Bozor islohotlari. Bozor xoʻjaligi.

  2. Bozor ishtirokchilari tovar va xizmatlarni pul vositasida ayirboshlash yuzasidan munosabatlarga kirishadilar. OʻzME

  3. Dunyo bozorida terilarimizning narxi tushmasa deyman. S. Ahmad, Yulduz

5. koʻchma Taqdir, qismat.

  1. Izinda joʻrasi koʻrmakka zordir, Maʼshuqlik deganing qiziq bozordir. Qoʻshiqlar

  2. Qurilganda ishq savdoning bozori, Oʻynab-kulib shu kun tursa dildori. Erali va Sherali

6. koʻchma Biror harakat yoki faoliyatning haddan oshishi, avjiga chiqishi, qizishi.

  1. Oʻlim bozori (urush).

  2. Gap bozori.

  3. Feruza bilan Norqoʻzining toʻyi ovoza boʻlgandan beri Mehnat — rohat qizlarining gap bozori qizidi. H. Gʻulom, Senga intilaman

  4. Xuroson mamlakatida oʻlimning bozori qizib, xarob boʻlgan binolar ustida boyqushlar sayrashga kirishdi. M. Osim, Ajdodlarimiz qissasi

  5. Ajalning bozori shunday qizidi, Qizil qonga tulpor otlar toʻzidi. Ergash Jumanbulbul oʻgʻli

  6. Bazmi jamshidlarda, koʻnglim tilamagan davralarda, safsata bozorlarida kunlarim tamaki tutuniday koʻkka uchdi. X. Sultonov, Onamning yurti

7. Bozor, Bozorxon (erkaklar va ayollar ismi).

bozor soʻzi qatnashgan jumlalar:

Bozor qilmoq

1. Bozordan u-bu narsalar olmoq, xarid qilmoq, xarj qilmoq.

  1. Siddiqa bozor qilgani ketdi. S. Zunnunova, Koʻzlar

  2. Nusratbek ikki kun ertalab oʻzi bilan toʻrva olib ketib, ishdan keyin bozor qilib keldi. S. Nurov, Maysalarni ayoz urmaydi

2. Shovqin-suron qilmoq, toʻpolon koʻtarmoq.

Bozor(i) kasod

Talab boʻlmagan, oʻtmay qolgan narsa, mol haqida.

  1. — Ammo, — davom etdi Gulandom, — bozor kasodligidanmi yo ishi yaxshi unmaganligidanmi, dadam toʻquvchilikdan yolchimadi. Oybek, Tanlangan asarlar

Bozor kuni

ayn. Bozor 2.

  1. Bozor kuni, odam qalin. Oybek, Tanlangan asarlar

Bozor koʻtarmaydi

1. Bu narxga bozorda hech kim olmaydi;
2. koʻchma s.t. Boshqalarga yoqmaydi, hech kim tinglamaydi.

  1. ishxonalarda, ayniqsa koʻpchilik bilan muomala qilinadigan joylarda dagʻallik va maynavozchiliklarni bozor koʻtarmaydi. T. Alimov. Iljaying, asakangiz ketmaydi

Bozor non(i)

Sotish uchun tayyorlanadigan maxsus non navi.

  1. Hayal oʻtmay, bir choynakda koʻk choy, siri koʻchgan patnisda toʻrtta bozor noni koʻtarib keldi Qudrat. M. Ismoiliy, Fargʻona tong otguncha

Bozor qaytdi

Bozor vaqti tamom boʻlib, bozorchilar qaytadigan vaqt.

Bozorga solmoq

1. Molni sotish uchun bozorga olib kirmoq, xaridga qoʻymoq.

  1. Gajdumbek bozorga borsa, Hamza bir qulni bozorga solib turibdi. Goʻroʻgʻli

  2. Erta barcha xaloyiqlar keladi, Kuli, choʻrisini bozor soladi. Nurali

2. koʻchma Diqqatni jalb qilish uchun biror narsani koʻz-koʻz qilmoq, aylantirib, koʻrsatib yurmoq.

  1. Bozor qizigandan keyin, otni minib, u yoq-bu yoqqa chopib, qamchilab, sakratib oʻynatib, bozorga sola berdi. Hasanxon

  2. Oʻz ishini bitirish uchun tuygʻularini bozorga solishdan toymaydi. S. Karomatov, Oltin qum

Bozori chaqqon

1. Xaridori koʻp boʻlgan, tez oʻtadigan mol, narsa haqida.

  1. — Margʻilonda gazmol bilan poyabzalning bozori chaqqon, — dedi Homid. A. Qodiriy, Oʻtgan kunlar

  2. Turkistonda oʻrik bozori chaqqon ekan, sotib kelay, deb bahona qildim. S. Siyoyev, Yorugʻlik

2. koʻchma Ehtiyoj katta, talabgorlari koʻp boʻlgan.

  1. Imomlikning bozori chaqqon boʻlib ketganidan bizga oʻxshash oʻrtacha ahli ilmlarga shafqat koʻzi bilan boquvchi boʻlmay qolgan edi. Gʻayratiy, Dovdirash

  2. Tabibning bozori chaqqon hovlisida kamdan-kam boʻlar ekan. Mirmuhsin, Meʼmor

Bozori oʻtmadi

1. Bozorda oʻtmay, sotilmay qoldi;
2. koʻchma Oʻziga yoki gapiga tarafdor chiqmadi; nomeri, hiyla-nayrangi oʻtmadi.

Bozor(ini) olmoq yoki bozor qilmoq

Bozorga borib, savdo-sotiq ishlarini bitirib kelmoq.

  1. Bozoringni oʻzing qil, tegirmoningni oʻzing tort! Maqol

  2. Kech bilan bozorni olib, somon sotib qaytgan tuyachining tuyasiga ikkita-ikkita mingashib, chopon bozorga qarab yoʻl soldik. Gʻ. Gʻulom, Shum bola

Boriga bozor

ayn. Boriga baraka.

Oʻzini bozorga solmoq

salb. Oʻzini elga koʻz-koʻz qilmoq.

  1. Agar sevgining nimaligini bilsangiz, yuzingizdagi pardani yirtib tashlab, oʻzingizni bozorga solib oʻtirmas edingiz, Joʻraxon! M. Ismoiliy, Fargʻona tong otguncha

  2. Lof urib, oʻzini bozor solarmi? Lof bilan qoʻlidan bir gap kelarmi? Alpomish

Bozor iqtisodiyoti

Tovar-pul munosabatlariga asoslangan, turli mulkchilikka hamda iqtisodiy erkinlikka tayangan va raqobat asosida tartibga solib turiladigan demokratik iqtisodiyot.

Bozor muvozanati

Bozordagi talab va taklifning miqdoran va tarkib jihatidan bir-biriga muvofiq kelishi.

BOZOR so‘zining sinonimlarini Sinonim.uz saytida qidirib ko‘ring.

БОЗОР so‘zining kirillcha yozilishi Lotin.uz sayti tomonidan taqdim qilingan.

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.
Saytdagi o‘rni
1496
So‘zning teskari yozilishi
rozob
Harflar soni
5
Ko‘rishlar soni
109

bozor so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

Yupiter abraziv abadiylashtiril Jo‘qorg‘i Kenges achchiqlantir achchiq aʼlochi achchiqlash Nizomiy
bozor so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, bozor so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida

Loyihalarimiz

TVinfo.uz — Bugun, ertaga va keyingi hafta uchun to‘liq teledasturlar.

TVinfo.uz — Телепрограмма на сегодня, завтра и ближайшую неделю.

tvinfo.uz

O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.

Полный смысл, происхождение, формы узбекских имён. Узнайте смысл своего имени и имён близких.

ismlar.com

DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.

DostavkaInfo — Каталог сервисов, предлагающих доставку еды, лекарств, книг и товаров для дома.

dostavkainfo.uz

Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.

Lotin.uz — поможет транслитерировать с узбекской кириллицы на латиницу и обратно. Легко!

lotin.uz

Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).

Самая большая коллекция пословиц и поговорок на трёх языках (узбекский, русский, английский).

maqollar.uz

Har kuni eng sara latifalar va kulguli rasmlar. O‘zbek tilidagi kulgu markazi!

Ежедневно только отборные анекдоты, смешные картинки. Кузница юмора на узбекском языке!

latifa.uz

Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.

Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.

onmap.uz

O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.

Самый большой каталог телеграм каналов в Узбекистане. Только активные каналы по категориям и с подробной статистикой.

uztelegram.com

O‘zbek tilida savodli yozishni biz bilan boshlang.

С нами вы научитесь грамотно писать на узбекском языке.

sarlavha.com

O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.

Словарь синонимов узбекского языка на нашем сайте содержит более 3300 слов и 900 синонимов.

sinonim.uz
ibora.uz salsa.uz skripka.uz slovo.uz television.uz vatt.uz iboralar.uz resumes.uz havo.uz
Izoh.uz saytining bazasida jami 35 853 ta so‘z bor
Aloqa Telegram
© Izoh.uz — O‘zbek tilining izohli lug‘ati, 2014–2024
Obuna va GoodGroup loyihasi. 18+