Izoh.uz сайтида бозор сўзининг изоҳи ва маънолари

бозор

Сўзни дўстлар
билан улашинг

от

1. Аҳоли савдо-сотиқ қиладиган махсус жой, майдон.

Отанг — бозор, онанг — бозор. Мақол
Ақл бозорда сотилмас. Мақол
Юрт бой бўлса, унинг бозори ҳам тўкин бўлади. У. Норматов, Талант тарбияси
Бир айланиб келай, деб Қува бозорига чиқдим. С. Аҳмад, Уфқ

2. Шундай жойда савдо-сотиқ қилинадиган кун.

Ойда-йилда бир бозор, униям ёмғир бузар. Мақол
Бугун бозор бўлгани учун Ёдгор кеч уйғонди. Ў. Ҳошимов, Қалбингга қулоқ сол
Қўяверинг, бугун бозор-ку, бирпас дам олсинлар. Ў. Ҳошимов, Қалбингга қулоқ сол

3. кўчма Ғала-ғовур, чуғур-чуғур, шовқин-сурон, шўхлик ҳолати.

Болали уй — бозор, боласиз уй — мозор. Мақол
Бугун дала шийпонида бозор бўлди. Ҳамма сиздан дарғазаб, раисликдан туширмоқчилар. Ш. Рашидов, Бўрондан кучли
Мунира туғруқхонадан чиққан куни уй бозор бўлиб кетди. Ф. Мусажонов, Ҳиммат
Тонг ёришиб, гужумларда қушлар бозори бошланган эди. С. Сиёев, Ёруғлик

4. иқт. Сотувчилар билан харидорлар ўртасидаги товар айирбошлаш муносабатлари.

Жаҳон бозори. Ташқи бозор. Ички бозор. Бозор ислоҳотлари. Бозор хўжалиги.
Бозор иштирокчилари товар ва хизматларни пул воситасида айирбошлаш юзасидан муносабатларга киришадилар. ЎзМE
Дунё бозорида териларимизнинг нархи тушмаса дейман. С. Аҳмад, Юлдуз

5. кўчма Тақдир, қисмат.

Изинда жўраси кўрмакка зордир, Маъшуқлик деганинг қизиқ бозордир. Қўшиқлар
Қурилганда ишқ савдонинг бозори, Ўйнаб-кулиб шу кун турса дилдори. Эрали ва Шерали

6. кўчма Бирор ҳаракат ёки фаолиятнинг ҳаддан ошиши, авжига чиқиши, қизиши.

Ўлим бозори (уруш).
Гап бозори.
Феруза билан Норқўзининг тўйи овоза бўлгандан бери Меҳнат — роҳат қизларининг гап бозори қизиди. Ҳ. Ғулом, Сенга интиламан
Хуросон мамлакатида ўлимнинг бозори қизиб, хароб бўлган бинолар устида бойқушлар сайрашга киришди. М. Осим, Аждодларимиз қиссаси
Ажалнинг бозори шундай қизиди, Қизил қонга тулпор отлар тўзиди. Эргаш Жуманбулбул ўғли
Базми жамшидларда, кўнглим тиламаган давраларда, сафсата бозорларида кунларим тамаки тутунидай кўкка учди. Х. Султонов, Онамнинг юрти

7. Бозор, Бозорхон (эркаклар ва аёллар исми).

бозор сўзи қатнашган жумлалар:

Бозор қилмоқ

1. Бозордан у-бу нарсалар олмоқ, харид қилмоқ, харж қилмоқ.

Сиддиқа бозор қилгани кетди. С. Зуннунова, Кўзлар
Нусратбек икки кун эрталаб ўзи билан тўрва олиб кетиб, ишдан кейин бозор қилиб келди. С. Нуров, Майсаларни аёз урмайди

2. Шовқин-сурон қилмоқ, тўполон кўтармоқ.

Бозор(и) касод

Талаб бўлмаган, ўтмай қолган нарса, мол ҳақида.

— Аммо, — давом этди Гуландом, — бозор касодлигиданми ё иши яхши унмаганлигиданми, дадам тўқувчиликдан ёлчимади. Ойбек, Танланган асарлар

Бозор куни

айнан Бозор 2.

Бозор куни, одам қалин. Ойбек, Танланган асарлар

Бозор кўтармайди

1. Бу нархга бозорда ҳеч ким олмайди;

2. кўчма с.т. Бошқаларга ёқмайди, ҳеч ким тингламайди.

ишхоналарда, айниқса кўпчилик билан муомала қилинадиган жойларда дағаллик ва майнавозчиликларни бозор кўтармайди. Т. Алимов. Илжайинг, асакангиз кетмайди

Бозор нон(и)

Сотиш учун тайёрланадиган махсус нон нави.

Ҳаял ўтмай, бир чойнакда кўк чой, сири кўчган патнисда тўртта бозор нони кўтариб келди Қудрат. М. Исмоилий, Фарғона тонг отгунча

Бозор қайтди

Бозор вақти тамом бўлиб, бозорчилар қайтадиган вақт.

Бозорга солмоқ

1. Молни сотиш учун бозорга олиб кирмоқ, харидга қўймоқ.

Гаждумбек бозорга борса, Ҳамза бир қулни бозорга солиб турибди. Гўрўғли
Эрта барча халойиқлар келади, Кули, чўрисини бозор солади. Нурали

2. кўчма Диққатни жалб қилиш учун бирор нарсани кўз-кўз қилмоқ, айлантириб, кўрсатиб юрмоқ.

Бозор қизигандан кейин, отни миниб, у ёқ-бу ёққа чопиб, қамчилаб, сакратиб ўйнатиб, бозорга сола берди. Ҳасанхон
Ўз ишини битириш учун туйғуларини бозорга солишдан тоймайди. С. Кароматов, Олтин қум

Бозори чаққон

1. Харидори кўп бўлган, тез ўтадиган мол, нарса ҳақида.

— Марғилонда газмол билан пойабзалнинг бозори чаққон, — деди Ҳомид. А. Қодирий, Ўтган кунлар
Туркистонда ўрик бозори чаққон экан, сотиб келай, деб баҳона қилдим. С. Сиёев, Ёруғлик

2. кўчма Эҳтиёж катта, талабгорлари кўп бўлган.

Имомликнинг бозори чаққон бўлиб кетганидан бизга ўхшаш ўртача аҳли илмларга шафқат кўзи билан боқувчи бўлмай қолган эди. Ғайратий, Довдираш
Табибнинг бозори чаққон ҳовлисида камдан-кам бўлар экан. Мирмуҳсин, Меъмор

Бозори ўтмади

1. Бозорда ўтмай, сотилмай қолди;

2. кўчма Ўзига ёки гапига тарафдор чиқмади; номери, ҳийла-найранги ўтмади.

Бозор(ини) олмоқ ёки бозор қилмоқ

Бозорга бориб, савдо-сотиқ ишларини битириб келмоқ.

Бозорингни ўзинг қил, тегирмонингни ўзинг торт! Мақол
Кеч билан бозорни олиб, сомон сотиб қайтган туячининг туясига иккита-иккита мингашиб, чопон бозорга қараб йўл солдик. Ғ. Ғулом, Шум бола

Борига бозор

айнан Борига барака.

Ўзини бозорга солмоқ

салб. Ўзини элга кўз-кўз қилмоқ.

Агар севгининг нималигини билсангиз, юзингиздаги пардани йиртиб ташлаб, ўзингизни бозорга солиб ўтирмас эдингиз, Жўрахон! М. Исмоилий, Фарғона тонг отгунча
Лоф уриб, ўзини бозор соларми? Лоф билан қўлидан бир гап келарми? Алпомиш

Бозор иқтисодиёти

Товар-пул муносабатларига асосланган, турли мулкчиликка ҳамда иқтисодий эркинликка таянган ва рақобат асосида тартибга солиб туриладиган демократик иқтисодиёт.

Бозор мувозанати

Бозордаги талаб ва таклифнинг миқдоран ва таркиб жиҳатидан бир-бирига мувофиқ келиши.

БОЗОР сўзининг синонимларини Sinonim.uz сайтида қидириб кўринг.

BOZOR сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

3864

Сўзнинг тескари ёзилиши

розоб

Ҳарфлар сони

Кўришлар сони

1132

бозор сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абзал абстракт Сатурн абр Уран аблаҳона Бундестаг абжад абссесс

бозор сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, бозор сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар