Izoh.uz saytida ildiz so‘zining izohi va ma’nolari

ildiz

So‘zni do‘stlar
bilan ulashing

1. Oʻsimlikning yerdan suv va oʻgʻit moddalar olib beradigan yer osti qismi; tomir.

Ildizdan koʻkargan daraxt.
Qayragʻoch, teraklarning ildizi yer bagʻriga qattiq singgan. Oybek, Tanlangan asarlar
Daraxtning boʻyi qancha choʻzilsa, ildizi ham shuncha chuqur ketishi kerak. E. Usmonov, Yolqin

2. Tish, soch, tirnoq kabilarning teri yoki et orasida joylashgan qismi, tomiri.

Tishning ildizi.
Kampirning bir tutam oppoq sochi ildizi bilan yulib olingan. Fan va turmush

3. koʻchma Asos, negiz, manba.

Qadimiy merosimiz ildizlariga qaytib, oʻtmishimizdagi boy anʼanalarni yangi jamiyat qurilishiga tatbiq etmogʻimiz kerak. Gazetadan
shubha-xavotirlarning ildizlarini qidirishga majbur etadi. Gazetadan

4. mat. Maʼlum bir darajaga koʻtarilganda, oʻz-oʻziga koʻpaytirilganda, berilgan sonni hosil qiladigan son; radikal.

Toʻqqizning kvadrat ildizi — uch. Ildizini topmoq.

ildiz soʻzi qatnashgan jumlalar:

Ildiz otmoq (yoki olmoq, yoymoq)

1. Ildizi har tomonga oʻsib, baquvvat tortmoq (oʻsimlik haqida);

2. koʻchma Avj olmoq, rivojlanmoq; keng tarqalmoq, odatga aylanmoq.

Bu hol hamma yoqqa ildiz yoygan.
Oliy oʻquv yurtlarida esa ota-onaning mansabiga, hamyoniga qarab oʻqishga qabul qilish hollari ildiz otib ketgan edi. Mushtum
Endi bilsam, eh-ha, boshimizdagi shoʻr juda chuqur ildiz otib ketgan ekan. M. Ismoiliy, Fargʻona tong otguncha.;

3. Muayyan maskanga joylashib, oʻrganib, shu yerda uy-joyli, bola-chaqali boʻlib yashab ketmoq.

Bu qishloq suvini bir ichgan odam, tamom, shu yerda ildiz otib ketmay iloji yoʻq. F. Nasriddinov, Oltin odamlar

Ildiz quvmoq

1. Tomirini, kelib chiqish manbaini axtarmoq;

2. Nasldan naslga oʻtmoq, suyak surmoq (odat-qiliq, kasallik haqida).

Ildizi baquvvat (yoki mahkam)

1. Ildizi yaxshi rivojlangan;

2. Koʻchma kuchli qoʻllab-quvvatlovchilarga ega, mavqeyi zoʻr.

Poshshaxon savdo sohasida ishlaydigan ayrim ildizi mahkam kishilardan tanish-bilish orttirdi. D. Nuriy, Osmon ustuni

Ildiziga bolta urmoq

Hayot asosini yoʻq qilmoq.

U [Yoʻlchi] zulm ildiziga bolta urdi. Inshoollo, zulm daraxti quriydi. Oybek, Tanlangan asarlar
Eskicha toʻylar, isrofgarchilik ayrim paytlarda oila ildiziga bolta uruvchi sarqit ekan Gazetadan

Ildizini quritmoq (yoki qirqmoq)

Tag-tubi bilan yoʻq qilmoq.

Majdiddin razolatining fosh etilishi, shubhasiz, katta ish boʻldi. Lekin uning ildizlari hali qirqilgan emas. Oybek, Navoiy
Laʼnati jaholatning qon tomirlarimizda, yurak-bagʻrimizda zahar sochib yotgan manfur ildizlari qirqiladigan yorugʻ kunlar ham kelarmikin? M. Ismoiliy, Fargʻona tong otguncha

Oʻq ildiz, oʻqildiz

Yerga toʻgʻri (tik) yoʻnaluvchi yoʻgʻon (baquvvat) ildiz.

ILDIZ so‘zining sinonimlarini Sinonim.uz saytida qidirib ko‘ring.

ИЛДИЗ so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

5200

So‘zning teskari yozilishi

zidli

Harflar soni

Ko‘rishlar soni

610

ildiz so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

achimsiq absolyut ablah achchiqlanish Mars abbat Bundestag abadiylashtiril achin

ildiz so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, ildiz so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida