nishtar

1. Jarrohlarning keskir asbobi.

1. Ibn Sino yechib tashlagan qonli yaktagini kiyib, qoʻlida nishtar bilan yaradorning tepasiga keldi. M. Osim, Ajdodlarimiz qissasi

2. Umuman, oʻtkir va sanchiladigan narsa.

1. Dushman zaif joydan nishtar uradi. S. Ahmad, Hukm

2. Nishtardan achchiq botdi Temirdan boʻlgan javob. Gʻayratiy

3. aynan Nish 2.

1. Chayon zaharli nishtarini bir gal oʻrtancha barmogʻining uchiga, ikkinchi marta koʻrsatkich barmogʻiga sanchib oldi. P. Tursun, Oʻqituvchi

4. koʻchma Oʻtkir, kuchli.

1. Quyoshning nishtar nuri bahor yomgʻirida oʻsgan oʻtlarni qovjiratib yuborgan. Yo. Shukurov, Birinchi parvoz