rol

1. Yozuvchi tomonidan pyesa yoki ssenariyda yaratilgan obraz va shunga muvofiq aktyor tomonidan sahnada, ekranda ijro etilgan badiiy obraz.

1. — Hojibekov komediyasini sahnaga qoʻyish oldidan rol taqsimlash paytida menga asar qahramoni Gulchehra roli topshirildi, — dedi Halima. \. Nosirova, Men oʻzbek qiziman

2. Sahnaga chiqqan artist oʻzi ijro etayotgan rolini oxiriga yetkazmaguncha tinib-tinchimaydi. Gazetadan

3. Bosh rolda chiqadigan atoqli artistka parda chetini koʻtarib, zalga moʻraladi. S. Ahmad, Saylanma

2. Aktyorning butun pyesa, ssenariy davomidagi nutqi.

1. Demak, u [Rustamjon] Shokir akaga taqlid qilishdan qochib, rolini oʻzicha talqin etgan. M. Xayrullayev, Koʻngil

3. koʻchma Kimsaning taʼsir koʻlami, biror narsada ishtirok darajasi, tutgan oʻrni; mavqeyi.

1. Tarixda shaxsning roli.

2. Bolalarimizni jamiyatga, mehnatga har taraflama sogʻlom, yetuk qilib topshirishda maktab, shubhasiz, yetakchi rol oʻynaydi. M. Ismoiliy, Odamiylik qissasi

3. Mutaxassislarning tashkilotchilik rolini butun choralar bilan kuchaytirmogʻimiz kerak. Gazetadan