рол

1. Ёзувчи томонидан пьеса ёки сценарийда яратилган образ ва шунга мувофиқ актёр томонидан саҳнада, экранда ижро этилган бадиий образ.

1. — Ҳожибеков комедиясини саҳнага қўйиш олдидан рол тақсимлаш пайтида менга асар қаҳрамони Гулчеҳра роли топширилди, — деди Ҳалима. \. Носирова, Мен ўзбек қизиман

2. Саҳнага чиққан артист ўзи ижро этаётган ролини охирига етказмагунча тиниб-тинчимайди. Газетадан

3. Бош ролда чиқадиган атоқли артистка парда четини кўтариб, залга мўралади. С. Аҳмад, Сайланма

2. Актёрнинг бутун пьеса, сценарий давомидаги нутқи.

1. Демак, у [Рустамжон] Шокир акага тақлид қилишдан қочиб, ролини ўзича талқин этган. М. Хайруллаев, Кўнгил

3. кўчма Кимсанинг таъсир кўлами, бирор нарсада иштирок даражаси, тутган ўрни; мавқейи.

1. Тарихда шахснинг роли.

2. Болаларимизни жамиятга, меҳнатга ҳар тарафлама соғлом, етук қилиб топширишда мактаб, шубҳасиз, етакчи рол ўйнайди. М. Исмоилий, Одамийлик қиссаси

3. Мутахассисларнинг ташкилотчилик ролини бутун чоралар билан кучайтирмоғимиз керак. Газетадан