sharbat

1. Pishib yetilgan hoʻl mevalardagi qand moddasi, shirinlik, shira.

1. Mevalar shira-yu sharbatga toʻlmoqda. Xorazm qovunlari shirinligi va sharbati bilan mashhurdir.

2. Qorovul paxta gulli kosada anor sharbati keltirdi. S. Siyoyev, Otliq ayol

3. bu yerlarga suv chiqarib, tok koʻkar-tirilsa, hamma yoqni sharbatga toʻldirish mumkin. Mirmuhsin, Meʼmor

2. Mevalardan tayyorlangan shirin ichimlik.

1. Shu lahza Badia yana oʻrnidan turib, aravadagi xumchadan nimkosa sharbat olib keldi. Mirmuhsin, Meʼmor

2. [Behlul] Yelkasiga tashlagan dasturxonni yozib, barkashni mehmon oldiga surib qoʻydi, keyin ikki kosada sharbat keltirdi. M. Osim, Zulmat ichra nur

3. koʻchma Goʻng ivitilgan suv (oʻgʻit sifatida foydalaniladi).