Izoh.uz saytida yoqa so‘zining izohi va ma’nolari

yoqa

So‘zni do‘stlar
bilan ulashing

1. 1 Sohil, qirgʻoq; boʻy, lab.

Ariq yoqasi.
Elgeldi qamishzorni oralab, koʻl yoqasiga chiqdi. A. Muxtor, Qoraqalpoq qissasi
Kanalning ikki yoqasi boʻylab qurilgan ikki qavatli binolar shu qadar koʻrkam, shu qadar chiroyliki N. Safarov, Saodatning qissasi

2. Chet, chekka, yon.

Koʻcha yoqasi.
Yoʻlning ikki yoqasida teraklar shovullaydi, bulbullar sayraydi. H. Gʻulom, Mashʼal
Shu kuni u bir tepalik yoqasiga borib yetgandagina, shamol bir oz pasaydi. Gʻ. Rasul, Adolat

Jar (yoki choh) yoqasida

Oʻlim yoqasida

Biror xavfli, halokatli voqea-hodisaning boshlanishiga, sodir boʻlishiga yaqin qolgan paytda, holatda.

Sodiq ham oʻlim yoqasida. Endi siz bilan ikkimizgina qoldik. A. Qodiriy, Oʻtgan kunlar
Oʻlim yoqasida jon olib, jon bergan yigit bu kunlarni ozmuncha oʻylaganmidi? S. Ahmad, Ufq

1. Kiyimning boʻyin oʻrni uchun ochilgan qismi.

Yoqa ochmoq. Keng yoqa. Tor yoqa.
[Qori] Yoqasini katta ochib, koʻkragiga uch marta tufladi. A. Qahhor, Qoʻshchinor chiroqlari
Ochil oʻrnidan turib kiyina boshladi. Lekin anchagacha yoqasining tugmasini oʻtkaza olmadi — qoʻli qaltirardi. P. Qodirov, Uch ildiz

2. Kiyimga tikib yoki ilib qoʻyiladigan mata, buyum.

Qorakoʻl yoqa. Savsar yoqa.
[Elmurod] Dam olish kunlari kiyadigan gimnastyorkasiga yoqa tikib kiydi. Shuhrat, Shinelli yillar

Bir yoqadan bosh chiqarib

Yengidan kirib, yoqasidan chiqmoq

Yoqa boʻgʻishmoq

Bir-biri bilan urishmoq, mushtlashmoq.

[Yoʻlchi] Mirzakarimboy bilan pul yuzasidan xirillashishni, yoqa boʻgʻishni oʻziga or bildi. Oybek, Tanlangan asarlar

Yoqasiga chang solmoq

aynan Yoqasidan olmoq.

Bu yigitga soʻz uqtirishdan foyda yoʻqligini bildi-da, uning yoqasiga chang solib, keskin bir siltash bilan ostonadan uzdi, yana bir keskin va kuchli siltash bilan paxsa devorga urdi. Oybek, Tanlangan asarlar

Yoqasidan olmoq

Boʻgʻmoq.

[Alimardon] Gʻazab ichida Anvarning yoqasidan olmoqchi boʻldi-yu, kechikdi. Oʻ. Hoshimov, Qalbingga quloq sol
Rustam-jon arslondek sapchib, boyning yoqasidan oldi. K. Yashin, Hamza

Yoqasidan tutmoq

aynan Yoqasidan olmoq.

Gʻilay odam shamni tokchaga qoʻyib, kuchli qoʻllari bilan Ahmad Chalabiyning yoqasidan tutdi. Mirmuhsin, Meʼmor

Yoqasini ushlamoq

Hayratda qolmoq, tong qolmoq.

Hali shunday kunlar keladiki, Alimardon Toʻrayev degan nomni eshitganda, butun respublika hayratdan yoqa ushlab qoladi. Oʻ. Hoshimov, Qalbingga quloq sol
— Rostmi? —
yoqasini ushladi chol. Oybek, Tanlangan asarlar

Ogʻzidan olib, yoqasiga yopishtirmoq

Ogʻzingdan chiqib, yoqangga yopishsin!

qarg‘ish Aytganing oʻzingga ursin, tilaganingga oʻzing duchor boʻl (sovuq xabar, yomon niyat va shu kabilar haqida).