Izoh.uz сайтида ёқа сўзининг изоҳи ва маънолари

ёқа

Сўзни дўстлар
билан улашинг

от

1. 1 Соҳил, қирғоқ; бўй, лаб.

Ариқ ёқаси.
Элгелди қамишзорни оралаб, кўл ёқасига чиқди. А. Мухтор, Қорақалпоқ қиссаси
Каналнинг икки ёқаси бўйлаб қурилган икки қаватли бинолар шу қадар кўркам, шу қадар чиройлики Н. Сафаров, Саодатнинг қиссаси

2. Чет, чекка, ён.

Кўча ёқаси.
Йўлнинг икки ёқасида тераклар шовуллайди, булбуллар сайрайди. Ҳ. Ғулом, Машъал
Шу куни у бир тепалик ёқасига бориб етгандагина, шамол бир оз пасайди. Ғ. Расул, Адолат

Жар (ёки чоҳ) ёқасида

Ўлим ёқасида

Бирор хавфли, ҳалокатли воқеа-ҳодисанинг бошланишига, содир бўлишига яқин қолган пайтда, ҳолатда.

Содиқ ҳам ўлим ёқасида. Энди сиз билан иккимизгина қолдик. А. Қодирий, Ўтган кунлар
Ўлим ёқасида жон олиб, жон берган йигит бу кунларни озмунча ўйлаганмиди? С. Аҳмад, Уфқ

1. Кийимнинг бўйин ўрни учун очилган қисми.

Ёқа очмоқ. Кенг ёқа. Тор ёқа.
[Қори] Ёқасини катта очиб, кўкрагига уч марта туфлади. А. Қаҳҳор, Қўшчинор чироқлари
Очил ўрнидан туриб кийина бошлади. Лекин анчагача ёқасининг тугмасини ўтказа олмади — қўли қалтирарди. П. Қодиров, Уч илдиз

2. Кийимга тикиб ёки илиб қўйиладиган мата, буюм.

Қоракўл ёқа. Савсар ёқа.
[Элмурод] Дам олиш кунлари киядиган гимнастёркасига ёқа тикиб кийди. Шуҳрат, Шинелли йиллар

Бир ёқадан бош чиқариб

Енгидан кириб, ёқасидан чиқмоқ

Ёқа бўғишмоқ

Бир-бири билан уришмоқ, муштлашмоқ.

[Йўлчи] Мирзакаримбой билан пул юзасидан хириллашишни, ёқа бўғишни ўзига ор билди. Ойбек, Танланган асарлар

Ёқасига чанг солмоқ

айнан Ёқасидан олмоқ.

Бу йигитга сўз уқтиришдан фойда йўқлигини билди-да, унинг ёқасига чанг солиб, кескин бир силташ билан остонадан узди, яна бир кескин ва кучли силташ билан пахса деворга урди. Ойбек, Танланган асарлар

Ёқасидан олмоқ

Бўғмоқ.

[Алимардон] Ғазаб ичида Анварнинг ёқасидан олмоқчи бўлди-ю, кечикди. Ў. Ҳошимов, Қалбингга қулоқ сол
Рустам-жон арслондек сапчиб, бойнинг ёқасидан олди. К. Яшин, Ҳамза

Ёқасидан тутмоқ

айнан Ёқасидан олмоқ.

Ғилай одам шамни токчага қўйиб, кучли қўллари билан Аҳмад Чалабийнинг ёқасидан тутди. Мирмуҳсин, Меъмор

Ёқасини ушламоқ

Ҳайратда қолмоқ, тонг қолмоқ.

Ҳали шундай кунлар келадики, Алимардон Тўраев деган номни эшитганда, бутун республика ҳайратдан ёқа ушлаб қолади. Ў. Ҳошимов, Қалбингга қулоқ сол
— Ростми? —
ёқасини ушлади чол. Ойбек, Танланган асарлар

Оғзидан олиб, ёқасига ёпиштирмоқ

Оғзингдан чиқиб, ёқангга ёпишсин!

қарғиш Айтганинг ўзингга урсин, тилаганингга ўзинг дучор бўл (совуқ хабар, ёмон ният ва шу кабилар ҳақида).