балки

1. боғл. Зид маъноли гапларни, гап бўлакларини бир-бирига боғлаш, қиёслаш учун хизмат қилувчи сўз.

1. У содиқ қул, балки ундан баттар одам эди. Ойбек, Танланган асарлар

2. Ёлғиз ўзи эмас, балки бутун косиб аҳлининг аҳволи пачава эканини очиб ташлади. Ойбек, Танланган асарлар

3. Кучлилик — курашда йиқитишда эмас, балки ғазаби келганда, ўзини босиб олишдадир. Фан ва турмуш

2. крш. с. Гумон, тахмин маъноларини билдиради.

1. Балки, маҳалласидан ҳам хотинлар келгандир. С. Зуннунова, Олов

2. Балки, кутар мени бир қиз, кўзёшлари оқизоқ. Шарқ юлдузи

3. Балки, бу қиз Она бўлур туғилажак ўғлимга. Миртемир