балли

1. Маъқуллаш, тасдиқлаш, мақтов, таҳсин маъноларини ифодалайди.

1. [Жойни] Ўша очлик йиллари солганмиз. — Балли. А. Қодирий, Ўтган кунлар

2. -Балли, она қизим, — деди Меливой ака завқланиб. С. Аҳмад, Уфқ

3. Иззатулла ака боланинг бошини чипор шапкачаси устидан силаркан: Балли деб қўйди. Газетадан

4. Унинг фикрини маъқулловчи овозлар эшитилди: — Балли! Отангизга раҳмат. П. Турсун, Ўқитувчи

2. Чўзиб талаффуз қилинганида, норозилик, кесатиқ маъноларини ифодалайди.

1. — Кўчада сен билан етаклашиб юрадиган хотинга балли-ей! — деди Зумрад. С. Сиёев, Отлиқ аёл

3. Муайян балл кучига эга бўлган.

1. Беш балли зилзила. Тўққиз балли довул.

2. Кундузи олти балли зилзила, иморатларнинг қисир-қисири ваҳимани кучайтирди. Мирмуҳсин, Умид

4. Рақамлар системаси билан ифодаланган.

1. Беш балли система.