бери
билан улашинг
1. Сўзловчига, шунингдек, сўз бораётган пайт ёки ўринга яқин.
-
Ҳечқиси йўқ, бир кун нари, бир кун бери.
-
[Қизлар] Нари ёт, бери ёт билан бир-бирларини итариб, суриб, кўрпани тўрт томонга тортишиб жанжаллаша бошладилар. А. Қодирий, Меҳробдан чаён
-
— Бери кел, қизим! — қўли билан имлади кулиб. Ойбек, Танланган асарлар
2. кўм. (чиқиш келишиги билан) Ҳаракатнинг бошланиш пайтидан бошлаб, буён; маълум вақт давомида, мобайнида.
-
Кечадан бери. Яқиндан бери. Анчадан (кўпдан) бери. Алмисоқдан бери.
-
Асқар аканинг дами ичига тушиб кетди. Шу сабаб, мана кечадан бери қовоғи очилмайди. Н. Фозилов, Қиссалар
-
Элмурод эрталабдан бери нон-чойдан бўлак ҳеч нарса емаганликдан кўнгли озганини сезди. П. Турсун, Ўқитувчи
-
Институтга киргандан бери Козимжон орқасидан соядек эргашиб юрибди. Т. Ашуров, Оқ от
-
Тахминан уч йилдан бери шу ишни қиламан. С. Аҳмад, Юлдуз
бери сўзи қатнашган жумлалар:
Бери қарамоқ
-
Беморнинг аҳволи сал бери қаради. Йиғламоқдан бери бўлмоқ Йиғлагудек бўлмоқ.
-
Отам тайёрлаган узангиларини бозорда эртадан кечгача сарғайиб кўтариб юриб, сота олмасдан, ҳовлига қўллари қуруқ (ҳолда) йиғламоқдан бери бўлиб қайтар эдилар. М. Муҳаммаджонов, Турмуш уринишлари
Нари олиб бориб, бери олиб келмоқ
-
Бир томонда Зулфиқор, бир томонда Худодбек — бир-бирига мутлақо ўхшамаган икки йигит унинг хаёлини нари олиб бориб, бери олиб келарди. Мирмуҳсин, Меъмор
БЕРИ сўзининг синонимларини Sinonim.uz сайтида қидириб кўринг.
BERI сўзининг лотинча ёзилиши Lotin.uz сайти томонидан тақдим қилинган.
бери сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
