бужмай
билан улашинг
1. Совуқсан, безгакдан ёки бирор ёқимсиз нарсадан тиришмоқ, жунжикиб букчаймоқ, қунишмоқ.
-
Совуққа чидамли Йўлчи ҳам, эгни юпун бўлганидан, оёқларининг жонсизланганини, гавдасининг бужмайганини сезди. Ойбек, Танланган асарлар
-
Мирвали, қўли қалтираб, шишани очди. Қуяётганда, димоғига қўланса коньяк ҳиди урилиб, башараси бужмайиб кетди. С. Аҳмад, Жимжитлик
-
Тўрда ялпайиб ўтирган совчи хотинларнинг юзи, мени кўриб, бехос лимон тишлагандай бужмайди. Ёшлик
2. Ажин босиб бурушмоқ, тиришмоқ; бурушиб-тиришиб қолмоқ.
-
[Ёрматнинг] Кўз ёшлари ҳасратдан бужмайган юзларидан ва соқолларидан мўл-мўл оқаверди. Ойбек, Танланган асарлар
-
Кампир бужмайган қўллари билан унинг сочларини силай бошлади. Газетадан
-
Куёв яшариш учун токнинг зангидек бужмайган бўйинларини ҳўл сочиқ билан ишқалайдиган бўлди. С. Аҳмад, Сайланма
3. Қовжираб, сувсизланиб бурушмоқ, қуруқшамоқ.
-
Барглар бужмайиб қолибди.
-
Дўрдоқ лаблари узум пўстлоғидек бужмайган. М. Назаров, Сирли хат
-
Шамол қаттиқ эсиб, бужмайган ток баргларини унинг устига олиб келиб сочди. Ш. Холмирзаев, Бодом қишда гуллади
-
Қирғоқдаги бужмайган, қовжироқ ўтлар дарёдан эпкин сўрагандай мўлтирашарди. Э. Самандаров, Дарёсини йўқотган қирғоқ
БУЖМАЙ сўзининг синонимларини Sinonim.uz сайтида қидириб кўринг.
BUJMAY сўзининг лотинча ёзилиши Lotin.uz сайти томонидан тақдим қилинган.
бужмай сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
