чайқал

1. Чайқамоқ феълининг мажҳул нисбати.

1. Чайқалган кирларни ёймоқ.

2. У ён-бу ён тебранмоқ, лапанглаб ҳаракат қилмоқ.

1. Юрганда букчайиш, у ёқ-бу ёққа чайқалиш, оёқларни бир-бирига уриб юриш ярамайди. Фан ва турмуш

2. Чайқалади денгиз беором Ғайратий

3. кўчма Тўлқинланмоқ, жунбушга келмоқ, ҳаяжонланмоқ

1. Ёш қалблар ҳаяжондан тўлқин каби чайқалади. Ёшлик

2. Юрагида дард тўлқини бирдан кучли чайқалиб кетди. Ойбек, Танланган асарлар

4. кўчма Нотинч, безовта бўлмоқ.

1. Кекса дилингизга тушмасин титроқ, Оталар, чайқалиб турибди олам. А. Орипов

2. [Ҳилол буви:] Нима гап ўзи, нега замон чайқалиб қолди? Ойбек, Улуғ йўл