ғашлик

Руҳиятдаги дилгир, ғаш ҳолат; нохуш, дилгир туйғу, таъби хиралик.

1. Кундошлик — кўнгил ғашлик. Мақол

2. Баширжоннинг дилига ғашлик оралади. Аскар Бакировичнинг овозидан кайфияти яхши эмаслиги сезилиб турарди. Н. Аминов, Қаҳқаҳа

3. Нега, менинг дилим, титрайсан нечун, Нечун юрагимни тирнайсан, ғашлик? А. Орипов, Йиллар армони

Ғишғиша, хархаша, инжиқлик.

1. Эрталаб Анзират хола кийинтираётганида, боланинг ғашлик қилиб йиғлаётганини, онасини йўқлаганини кўриб, кўнгли бузилиб кетди. А. Қаҳҳор, Қўшчинор чироқлари

2. Олиб кетдим бари бир алдаб, Қилса ҳамки ғашлик, айёрлик. Ш. Раҳмон, Юрак қирралари

Ғайирлик, душманлик.

1. Сизларга менинг ғашлигим йўқ, аммо ҳавасим келади. Мирмуҳсин, Меъмор.