ғувулла
билан улашинг
1. Тўхтовсиз, давомли тарзда ғув-ғув овоз чиқармоқ.
-
Ташқарида қутурган шамол ғувуллаб, дарчани итарар, унинг тиркишларидан кор учқунларини ирғитарди. М. Исмоилий, Фарғона тонг отгунча.
-
Кўчадан машина эшигининг тарақлаб очилиб-ёпилгани, моторнинг ғувуллагани эшитилди. С. Нуров, Майсаларни аёз урмайди
-
Арининг уясига чўп суқиб, бир қўзғаб қўйса, кечгача тинмай ғувуллаб ётади. М. Ҳазратқулов, Журъат
-
Улар чиллак ўйнаётган бўлса керак, ҳар дам-ҳар дамда қайсисидир ғувуллаб югуради. Ёшлик
2. Турли хил товушли ва ҳаракатли ҳолатга келмоқ; шов-шув ёки ғовур кўтармоқ.
-
Танаффус эълон қилинди. Томошабинлар ини бузилган аридек ғувуллаб қолишди. С. Абдуқаҳҳор, Санамай саккиз дема
-
Ҳоким ғувуллаётган халққа қараб гапирди. М. Исмоилий, Фарғона тонг отгунча
-
Клуб бозорга ўхшаб ғувуллаб қолди. Ёшлик
ғувулла сўзи қатнашган жумлалар:
Боши (ёки калласи, мияси)
-
Кун бўйи сув ичаман, томоғим қақраб, бошим ғувуллайди. Р. Азизхўжаев, Яшил чайла
-
Низомжоннинг калласи ғувуллаб, қўллари муштга айланди. С. Аҳмад, Уфқ
-
Алимардон унинг ҳар бир ҳаракатини диққат билан кузатар, мияси ғувуллаб кетган, чалкаш туйғулар ичида тўлқинланар эди. Ў.Ҳошимов, Қалбингга қулоқ сол
Қулоғи ғувулламоқ
ҒУВУЛЛА сўзининг синонимларини Sinonim.uz сайтида қидириб кўринг.
G‘UVULLA сўзининг лотинча ёзилиши Lotin.uz сайти томонидан тақдим қилинган.
ғувулла сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
