Izoh.uz сайтида кун сўзининг изоҳи ва маънолари

кун

Сўзни дўстлар
билан улашинг

от

1. Қуёш, офтоб.

Кун тепадан тиғ ураётганда, машина ободгина бир қишлоққа кириб келди. С. Аҳмад, Уфқ
Мана, кун ҳам терак бўйи кўтарилиб қолди. С. Юнусов, Кутилмаган хазина
Нуктадон Мутриб дарҳол ҳовлисининг кичиклигидан кун тушмаслигига ишора қилиб, пайров билан жавоб берди. С. Сиёев, Ёруғлик

2. Сутканинг қуёш чиққандан қуёш ботгунгача бўлган қисми.

Ҳасанали кунларини томоқсиз, тунларини уйқусиз кечира бошлади. А. Қодирий, Ўтган кунлар
Бўлмаса, мен қайтай, кун ҳам кеч бўляпти. С. Кароматов, Олтин қум

3. Бир кеча-кундузга — 24 соатга тенг вақт; сутка.

Бир йил — 365 кун.
Уч-тўрт кунгача Аваз мозористондан чиқмади. С. Сиёев, Аваз
Ўшандан уч-тўрт кун ўтгач, янги гап чиқиб қолди. Э. Раимов, Ажаб қишлоқ
Бу чироқ сингилчамнинг қўлидаги рухсатнома десам ҳам бўлади — роппа-роса йигирма кунга берилган. Х. Тўхтабоев, Ширин қовунлар мамлакати

4. Ой ёки ҳафтанинг маълум бир календар санаси; маълум бир ҳодисага бағишланган кун, сана.

Шанба куни сиз келинг, якшанба куни мен борай. Қайси кунларда уйда бўласиз? — Чоршанба, жума кунлари. Қурувчилар куни.
Қадимий ва ҳамиша навқирон Самарқанд шаҳрида қишлоқ меҳнаткашлари учун анъанавий театр кунлари бошланди. Газетадан

5. кўплик шаклида Кунлар билан белгиланувчи вақт, пайт, кез, давр.

Болалик кунларимда, Уйқусиз тунларимда Кўп эртак эшитгандим. Ҳ. Олимжон
Эркин кунлар келур, истиқболимиз ёрқин, толеимиз баланд бўлур, албатта. Ойбек, Нур қидириб

6. Об-ҳаво, об-ҳаво шароити.

Майнинг ўрталари бўлса-да, кун иссиқ эди. С. Сиёев, Ёруғлик
Ноябр ўрталаб, кунлар совиган эди. С. Аҳмад, Юлдуз
Жавзо кирди. Кунлар исиб, арпа пишди. К. Яшин, Ҳамза

7. Айрим сўзлар билан қўлланиб, аҳвол, шароит маъносини билдиради.

Бошингизга оғир кун тушди. Мирмуҳсин, Меъмор
Турсунойнинг кунига учраб, ёш жонингизга жабр қилманг, дейман. Ҳ. Носирова, Мен ўзбек қизиман
Шомурод додхоҳнинг кунини менинг бошимга солардинг, одамхўр қотил! К. Яшин, Ҳамза

кун сўзи қатнашган жумлалар:

Бир кун(и)

Ўтган ёки келгуси кунларнинг бирида.

Бир куни у иккита кино билети кўтариб келди. Ў. Ҳошимов, Қалбингга қулоқ сол
Сиз-ку, ота, бир куни бориб, жонингизни яратганга топшириб, бу азоблардан қутулиб кетасиз. К. Яшин, Ҳамза

Бир кун эмас, бир кун

Қачондир бир кун, вақти келиб.

Худо ҳаққи, бир кунмас, бир кун чўмич билан тушириб қоламан-да! Ў. Ҳошимов, Қалбингга қулоқ сол

Бириси кун(и)

Эртадан кейинги кун, индин(га).

Бириси куни, намози асрга азон айтилган вақтда сени Қўйдарвоза ёнида кутаман. С. Сиёев, Ёруғлик
Бу кунингдан Бу аҳволингдан кўра бундан кўра.
Ўл, аҳмоқ. Бу кунингдан ўлиб қўя қолганинг яхши Ў. Ҳошимов, Қалбингга қулоқ сол

Иш куни

Иш, хизмат учун белгиЛанган маълум муддатли вақт.

Иш куни тугади.

Кун бермаслик

Ўз ҳолича ишлаш, яшашга қўймаслик, чиқиштирмаслик.

икковингни мутаассиблар сазойи қилишади, ким кўрса, дакки беради, бир сўз билан айтганда, сизларга кун беришмайди. К. Яшин, Ҳамза

Кун йўқ

Кун бермаслик, тинч қўймасликни билдиради.

Бу ерда ялангоёқлар, бошкесарлар, ўғриларнинг дастидан ҳеч кимга кун йўқ! Чўлпон, Кеча ва кундуз

Кун кечирмоқ (ёки кўрмоқ, ўтказмоқ)

Яшамоқ, ҳаёт кечирмоқ, тирикчилик қилмоқ.

асрлар давомида қарам бўлиб кун кечиришга маҳкум этиб келинган хотин-қизлар К. Яшин, Ҳамза
қачонгача хор-зор яшаймиз, қачонгача оч-яланғоч кун кўрамиз. К. Яшин, Ҳамза
Улар [чол ва кампир] овчилик билан кун ўтказар эканлар. Чалпак ёққан кун

Кун тартиби

Мажлис муҳокамасига қўйиладиган масалалар таркиби ва тартиби.

Кундан-кун(га)

Борган сари, кун сайин.

Бемор кундан-кунга бери қарамай бошлади. Кундан-кун (га) ишлар яхшиланиб бормоқда.

Куни битмоқ

1. Ўлим вақти етмоқ.

Гўдакнинг ризқи тугаб, куни битган. Тақдири азалда битилгани шундай бўлгач, на чора! К. Яшин, Ҳамза

2. Иш-амал имконияти тугамоқ.

Бўлмаса, унга кейин тушунтириб қўярсиз. Гап шундай: у хўжайинларига кунлари битганини етказсин. Қанча тезроқ йўқолишса, ўзларига шунча яхши бўлади. К. Яшин, Ҳамза

Кун(и) туғди

— Энди сенинг ҳам кунинг туғди. Одам бўл! — деди Давлатёр ва молларни қайтара бошлади. П. Турсун, Ўқитувчи

Кунини кўрсатмоқ

Жуда қаттиқ ёмонлик, жабр-зулм қилмоқ (шу ҳақдаги дўқ-пўписани билдиради).

Кунингни кўрсатиб қўяман.
отангга айтиб бераман, кунингни кўрсатади. С. Сиёев, Ёруғлик

Меҳнат куни

Ой чиқса ҳам унга, кун чиқса ҳам унга

кест. Ҳамма нарса, диққат-эътибор унга (Кимсанинг эрка-арзандаси бўлиб қолган кишига нисбатан айтилади).

Тунов куни

Яқин ўтган кунларнинг бирида.

Тунов куни кўрган эдим.
Тагида тутун бурқсаётган бак олдида тунов куни миршабларнинг кичиги С. Аҳмад, Уфқ

Тун-у кун

Ўлган(и)нинг кунидан

Қайси куни

айнан Тунов куни.

Охирги сўзларни ўқир экан, Гавҳар маъюс бўлиб қолди. Қайси куни марказдан келган врач Ҳанифа холанинг касали рак экани, саноқли кунлари қолганини айтган эди. Ў. Ҳошимов, Қалбингга қулоқ сол

Қулоғидан кун кўринади

Жуда озиб кетган.

КУН сўзининг синонимларини Sinonim.uz сайтида қидириб кўринг.

KUN сўзининг лотинча ёзилиши Lotin.uz сайти томонидан тақдим қилинган.

Рўйхатга қўшиш

Сайтдаги ўрни

814

Сўзнинг тескари ёзилиши

нук

Ҳарфлар сони

Кўришлар сони

2247