Izoh.uz saytida kun so‘zining izohi va ma’nolari

kun

So‘zni do‘stlar
bilan ulashing

1. Quyosh, oftob.

Kun tepadan tigʻ urayotganda, mashina obodgina bir qishloqqa kirib keldi. S. Ahmad, Ufq
Mana, kun ham terak boʻyi koʻtarilib qoldi. S. Yunusov, Kutilmagan xazina
Nuktadon Mutrib darhol hovlisining kichikligidan kun tushmasligiga ishora qilib, payrov bilan javob berdi. S. Siyoyev, Yorugʻlik

2. Sutkaning quyosh chiqqandan quyosh botgungacha boʻlgan qismi.

Hasanali kunlarini tomoqsiz, tunlarini uyqusiz kechira boshladi. A. Qodiriy, Oʻtgan kunlar
Boʻlmasa, men qaytay, kun ham kech boʻlyapti. S. Karomatov, Oltin qum

3. Bir kecha-kunduzga — 24 soatga teng vaqt; sutka.

Bir yil — 365 kun.
Uch-toʻrt kungacha Avaz mozoristondan chiqmadi. S. Siyoyev, Avaz
Oʻshandan uch-toʻrt kun oʻtgach, yangi gap chiqib qoldi. E. Raimov, Ajab qishloq
Bu chiroq singilchamning qoʻlidagi ruxsatnoma desam ham boʻladi — roppa-rosa yigirma kunga berilgan. X. Toʻxtaboyev, Shirin qovunlar mamlakati

4. Oy yoki haftaning maʼlum bir kalendar sanasi; maʼlum bir hodisaga bagʻishlangan kun, sana.

Shanba kuni siz keling, yakshanba kuni men boray. Qaysi kunlarda uyda boʻlasiz? — Chorshanba, juma kunlari. Quruvchilar kuni.
Qadimiy va hamisha navqiron Samarqand shahrida qishloq mehnatkashlari uchun anʼanaviy teatr kunlari boshlandi. Gazetadan

5. koʻplik shaklida Kunlar bilan belgilanuvchi vaqt, payt, kez, davr.

Bolalik kunlarimda, Uyqusiz tunlarimda Koʻp ertak eshitgandim. H. Olimjon
Erkin kunlar kelur, istiqbolimiz yorqin, toleimiz baland boʻlur, albatta. Oybek, Nur qidirib

6. Ob-havo, ob-havo sharoiti.

Mayning oʻrtalari boʻlsa-da, kun issiq edi. S. Siyoyev, Yorugʻlik
Noyabr oʻrtalab, kunlar sovigan edi. S. Ahmad, Yulduz
Javzo kirdi. Kunlar isib, arpa pishdi. K. Yashin, Hamza

7. Ayrim soʻzlar bilan qoʻllanib, ahvol, sharoit maʼnosini bildiradi.

Boshingizga ogʻir kun tushdi. Mirmuhsin, Meʼmor
Tursunoyning kuniga uchrab, yosh joningizga jabr qilmang, deyman. H. Nosirova, Men oʻzbek qiziman
Shomurod dodxohning kunini mening boshimga solarding, odamxoʻr qotil! K. Yashin, Hamza

kun soʻzi qatnashgan jumlalar:

Bir kun(i)

Oʻtgan yoki kelgusi kunlarning birida.

Bir kuni u ikkita kino bileti koʻtarib keldi. Oʻ. Hoshimov, Qalbingga quloq sol
Siz-ku, ota, bir kuni borib, joningizni yaratganga topshirib, bu azoblardan qutulib ketasiz. K. Yashin, Hamza

Bir kun emas, bir kun

Qachondir bir kun, vaqti kelib.

Xudo haqqi, bir kunmas, bir kun choʻmich bilan tushirib qolaman-da! Oʻ. Hoshimov, Qalbingga quloq sol

Birisi kun(i)

Ertadan keyingi kun, indin(ga).

Birisi kuni, namozi asrga azon aytilgan vaqtda seni Qoʻydarvoza yonida kutaman. S. Siyoyev, Yorugʻlik
Bu kuningdan Bu ahvolingdan koʻra bundan koʻra.
Oʻl, ahmoq. Bu kuningdan oʻlib qoʻya qolganing yaxshi Oʻ. Hoshimov, Qalbingga quloq sol

Ish kuni

Ish, xizmat uchun belgiLangan maʼlum muddatli vaqt.

Ish kuni tugadi.

Kun bermaslik

Oʻz holicha ishlash, yashashga qoʻymaslik, chiqishtirmaslik.

ikkovingni mutaassiblar sazoyi qilishadi, kim koʻrsa, dakki beradi, bir soʻz bilan aytganda, sizlarga kun berishmaydi. K. Yashin, Hamza

Kun yoʻq

Kun bermaslik, tinch qoʻymaslikni bildiradi.

Bu yerda yalangoyoqlar, boshkesarlar, oʻgʻrilarning dastidan hech kimga kun yoʻq! Choʻlpon, Kecha va kunduz

Kun kechirmoq (yoki koʻrmoq, oʻtkazmoq)

Yashamoq, hayot kechirmoq, tirikchilik qilmoq.

asrlar davomida qaram boʻlib kun kechirishga mahkum etib kelingan xotin-qizlar K. Yashin, Hamza
qachongacha xor-zor yashaymiz, qachongacha och-yalangʻoch kun koʻramiz. K. Yashin, Hamza
Ular [chol va kampir] ovchilik bilan kun oʻtkazar ekanlar. Chalpak yoqqan kun

Kun tartibi

Majlis muhokamasiga qoʻyiladigan masalalar tarkibi va tartibi.

Kundan-kun(ga)

Borgan sari, kun sayin.

Bemor kundan-kunga beri qaramay boshladi. Kundan-kun (ga) ishlar yaxshilanib bormoqda.

Kuni bitmoq

1. Oʻlim vaqti yetmoq.

Goʻdakning rizqi tugab, kuni bitgan. Taqdiri azalda bitilgani shunday boʻlgach, na chora! K. Yashin, Hamza

2. Ish-amal imkoniyati tugamoq.

Boʻlmasa, unga keyin tushuntirib qoʻyarsiz. Gap shunday: u xoʻjayinlariga kunlari bitganini yetkazsin. Qancha tezroq yoʻqolishsa, oʻzlariga shuncha yaxshi boʻladi. K. Yashin, Hamza

Kun(i) tugʻdi

— Endi sening ham kuning tugʻdi. Odam boʻl! — dedi Davlatyor va mollarni qaytara boshladi. P. Tursun, Oʻqituvchi

Kunini koʻrsatmoq

Juda qattiq yomonlik, jabr-zulm qilmoq (shu haqdagi doʻq-poʻpisani bildiradi).

Kuningni koʻrsatib qoʻyaman.
otangga aytib beraman, kuningni koʻrsatadi. S. Siyoyev, Yorugʻlik

Mehnat kuni

Oy chiqsa ham unga, kun chiqsa ham unga

kest. Hamma narsa, diqqat-eʼtibor unga (Kimsaning erka-arzandasi boʻlib qolgan kishiga nisbatan aytiladi).

Tunov kuni

Yaqin oʻtgan kunlarning birida.

Tunov kuni koʻrgan edim.
Tagida tutun burqsayotgan bak oldida tunov kuni mirshablarning kichigi S. Ahmad, Ufq

Tun-u kun

Oʻlgan(i)ning kunidan

Qaysi kuni

aynan Tunov kuni.

Oxirgi soʻzlarni oʻqir ekan, Gavhar maʼyus boʻlib qoldi. Qaysi kuni markazdan kelgan vrach Hanifa xolaning kasali rak ekani, sanoqli kunlari qolganini aytgan edi. Oʻ. Hoshimov, Qalbingga quloq sol

Qulogʻidan kun koʻrinadi

Juda ozib ketgan.

KUN so‘zining sinonimlarini Sinonim.uz saytida qidirib ko‘ring.

КУН so‘zining kirillcha yozilishi Lotin.uz sayti tomonidan taqdim qilingan.

Ro‘yxatga qo‘shish

Saytdagi o‘rni

814

So‘zning teskari yozilishi

nuk

Harflar soni

Ko‘rishlar soni

2247