нобоп

1. Унча мос, мувофиқ эмас; қўл келмайдиган, номувофиқ, яроқсиз.

1. Нобоп жой. Нобоп ер.

2. Айрим қишлоқ кутубхоналари нобоп ва кўримсиз хоналарга жойлашган. Газетадан

2. Унчалик шай эмас, бузуқ.

1. — Деҳқон ака, эҳтиёт бўлинг, аравангиз нобоп — бошини чайқаб гапирди Йўлчи. Ойбек, Танланган асарлар

2. Нобоп йўлнинг, нобоп машинанинг заҳматидан Темиржоннинг бутун суяклари зирқираб оғрир, қулоқлари шанғилларди. Ж. Абдуллахонов, Орият

3. Хулқ-атвори, юриш-туриши ёмон, ярамас.

1. Нобоп одам

2. Йўқ, у бола кўп нобоп чиқди, шариатга шак келтирадир. М. Исмоилий, Фарғона тонг отгунча.

4. Нотинч, ноқулай.

1. Бир оз жимликдан сўнг Равшан гапира бошлади: — Бўри ака, замон нобоп, деб тунов кун Абдураҳмон ака айтган гаплар қулоғим остидан ҳали-ҳали сира нари кетмайди. Атрофга қараб, одамни ваҳм босади. С. Кароматов, Бир томчи қон