олтин

1. Менделеев даврий системасининг И гуруҳига мансуб кимёвий элемент; сариқ-қизғиш тусли қимматбаҳо нодир металл; зар: тилла.

1. Соф олтин. Олтин соат. Йўқолган пичоқнинг сопи олтин. Мақол

2. Директор ўша терилар учун кўргазманинг олтин медалини олди. С. Аҳмад, Юлдуз

3. Хомток қилинган ишкомда ҳусайни узумлар олтиндек товланмоқда. И. Раҳим, Ихлос

2. кўчма Ҳар қандай қимматбаҳо ёки азиз нарса ҳақида.

1. Ер —хазина, сув — олтин. Мақол

2. Дўст-ёрлар аҳил бўлса, Чўлда олтин ундирар. Мақол

3. Қўшиқ айтиб келаман қир ёқалаб. Гулчечаклар тераман Сир ёқалаб. Тер тўкиб етиштирган олтинимиз Туради чаноғида бизга қараб. Фольклор

3. Шу металлдан зарб қилинган пул.

1. Ҳомид ёнчиғини чиқариб, бир қўлидан иккинчи қўлига олтинларни санаб тушира берди. А. Қодирий, Ўтган кунлар

2. Бунчалик дабдаба, албатта, хазинадаги олтинлар кучи билан бўлгандир, деб баъзиларнинг кўнглига келар. А. Қодирий, Меҳробдан чаён

4. сфт. кўчма Қимматли, бебаҳо (фикр, гап, сўз, иш, вақт ва шу кабилар ҳақида).

1. Олтин ёшлик. Ёш чоғим — олтин чоғим. Мақол

2. Кам бўлманг, раисим, олтин сўзларни айтдингиз. Ш. Рашидов, Бўрондан кучли

3. Амунинг бўйида кезардим танҳо. Шу олтин дамларни сезардим танҳо. Ғайратий

олтин сўзи қатнашган жумлалар: