омонат
билан улашинг
1. Сақлаб бериш, вақтинча фойдаланиш ёки бошқа бир кишига элтиб бериш учун топширилган.
-
Омонат хат. Омонат пул.
2. Омонатга сақланган пул ва бошқалар нарса, буюм.
-
Анов куни қўйиб кетган омонатга келдим. И. Раҳим, Чин муҳаббат
-
Омонатларни эгаларига топширганимиздан кейин, майли куёвтўра қизимизни Маккага олиб борсалар ҳам, монелик йўқ. И. Ўктамов, Ҳикоялар
3. Мижознинг маълум бир шартлар асосида банкка қўйган пул маблағи.
4. Номигагина, шунчаки; зўрға.
-
Чол супадаги ёғоч сўрига омонат илиниб, ниятини айтишга сўз тополмай қийналди. Ёшлик
-
Тўйчи пойгакдаги чўян печ устига омонат ўтирди-да, ерга қараганча, индамай, папиросга зўр берди. А. Кўчимов, Ҳалқа
5. Вақтинчалик.
-
Одам — омонат, дийдор — ғанимат. Мақол
-
Жиян ижара уйда омонат ўтирди. Ёшлик
6. Путурдан кетган ёки зўрға илиниб турган.
-
Омонат бино.
-
Ошпаз косага лағмон сузиб, йўнилмаган тахтадан омонат ясалган стол устига қўйди. С. Аҳмад, Уфқ
омонат сўзи қатнашган жумлалар:
Омонат дафтарчаси
-
Салимхон Обидий аллақандай зарур ҳужжатларни, омонат дафтарчасини рўмолга тугди. Мирмуҳсин, Умид
Омонат кассаси
Омонатини топширмоқ
-
Кампир уйга кирган-у, шу қисқа фурсат ичида чоли тўшакка беозор чўзилганича, омонатини топшириб қўйганининг гувоҳи бўлган. Ёшлик
ОМОНАТ сўзининг синонимларини Sinonim.uz сайтида қидириб кўринг.
OMONAT сўзининг лотинча ёзилиши Lotin.uz сайти томонидан тақдим қилинган.
омонат сўзи ишлатилган сайтларни интернетда қидиринг
Google Яндекс Bing