оқлиқ

1. Сут ва сутдан тайёрланадиган маҳсулотлар (қатиқ, қаймоқ ва шу кабилар).

1. Агар бўлса оқлиғинг, билинмайди йўқлиғинг. Мақол

2. Эчки бўлса ҳамки, бола-чақага оқлик ўзимиздан чиқиб турган эди, гўшт-пўштини олиб, битта соғин эчки берсанглар. С. Аҳмад, Ҳукм

3. Анчадан бери оқлиқ кўрмаган фарзандларимнинг сутни ниҳоятда иштаҳа ва иштиёқ билан ича-ётганини кўриб, ўпкам тўлиб йиғлаб юбордим. Газетадан

2. Пиширилган сутни ивитиш (қатиқ қилиш) учун унга солинадиган озгина қатиқ; томизғи.

1. — Ҳозир сут соққандирсиз, ахир. — Соғдим Пишириб, оқлиқ солиб қўйган эдим. А. Қаҳҳор, Сароб

3. этн . Тўйга розилик белгиси сифатида совчиларга совға қилинадиган оқ ёки очиқ, оч рангли газлама, рўмол, кийим-кечак.

1. [Эшон] Қўйнидаги бир кийим читни Сурхонбойнинг олдига қўйди-да, гап бошлади: — Мана бу хамир учидан патир, ҳожим Оқлиқ Қуда бўлмоқчимиз. И. Раҳим, Тақдир

4. этн. Кўмиш маросимига, азага келганларга бўлиб бериладиган рўмолчабоп газлама; йиртиш.

1. Оқлиқ йиртиш.

5. этн. Кафан, кафанлик.

1. Абдураҳмонбой Олимжонни бойлигига соҳиб қилиб, ўзи икки газликкина оқликка эга бўлиб, ҳовли-жойларини ташлаб, бир бўйгина чуқургача кириб, бедом-у дарак кетди. Ҳамза, Танланган асарлар