отин
билан улашинг
1. тарихий Эски мактабларда қизлар ўқитувчиси; дин ва шариат билимдони.
-
Ҳар кун қўшнимиз отин бибида қиёмгача ўқиб, кейин то кечгача, кўпинча кечалари ҳам, аямнинг ёнига кириб, тикиш тикдим. Ойбек, Танланган асарлар
2. этн. Аёллар ўртасида диний маросимларга (масалан, мавлуд) бошчилик қиладиган аёл.
3. сўзлашув тили Ҳар қандай ўқимишли ёки ўқитувчи аёл.
-
Шу чинорга чиққанга, Чиқиб уни йиққанга, Сўзсиз, хотин бўламан. Гўзал отин бўламан. Ҳ. Олимжон
-
— Ойинг ҳам отин бўлади, — Мавлон ака Кароматнинг гапидан завқланиб кулиб қўйди. Ҳ. Ғулом, Машъал
-
Гулнор Йўлчига хат ёзишга қарор қилган ва сўзларини айтиб турган, отин қиз эса Гулнор сўзларини силлиқлаб, қоғозга кўчирган. Ойбек, Танланган асарлар
4. Ўқимишли, обрўли аёлларга мурожаатда ёки улар тўғрисида гап борганда, исмига қўшиб ишлатиладиган сўз.
-
Шакар отин. Фотима отин.
-
[Юсуфбек ҳожи:] Болам, Зайнаб отин, сиздан ҳали ёшлик ғурури кетмаган, лекин менинг болам бўлганингизни сиз ҳам унутманг! А. Қодирий, Ўтган кунлар
отин сўзи қатнашган жумлалар:
Отин биби (ёки буви, ойи)
-
Ёзишни билмайдими? — Қайдан билади, қишлоғимизда отин буви бўлмаса, ўқимаган-да. М. Исмоилий, Фарғона тонг отгунча
-
Опанинг овози, отин ойиларнинг овозига ўхшаб, фақат битта нотада юрар экан. С. Аҳмад, Жимжитлик
ОТИН сўзининг синонимларини Sinonim.uz сайтида қидириб кўринг.
OTIN сўзининг лотинча ёзилиши Lotin.uz сайти томонидан тақдим қилинган.
отин сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар