шикаст

1. Жисмоний зарар, лат.

1. Шикастни тузатмоқ.

2. [Бектемир] Суяк шикаст топмаган соғ қўл билан ярани, қийин бўлса ҳам, пухта боғлади. Ойбек, Қуёш қораймас

3. [Пўлатжон домла:] Тувакда бир туп гул ўстирган одам шу гулнинг бирон япроғига шикаст етса, қанчалик ачинади! А. Қаҳҳор, Оғриқ тишлар

2. Нарсанинг зарарланган, бузилган, синган, лат еган жойи.

1. Машинани қиялик четидан олгач, у ёққа ўтди, бу ёққа ўтди, тупурди, сўкинди, шикастни тополмади. А. Мухтор, Туғилиш

2. Мадраса ҳужраларининг шикасти тузатилиб битмагани учун, мен кўп шогирдлар сингари, квартирада туриб, қатнаб ўқидим. М. Муҳаммаджонов, Турмуш уринишлари

3. кўчма Зиён-заҳмат, зарар.

1. Араббой кўпчилик кулгисидан бир оз изза тортди. Лекин у обрўсига шикаст етган катта бир шахс каби киброна бўзарди. П. Турсун, Ўқитувчи

2. Ёш болаларни ўз эркига қўйиб бериш уларнинг тарбиясига жиддий шикаст етказади. Н. Сафаров, Оловли излар