ширкат

1. Маълум ишни бирга амалга ошириш мақсадида бирлашган кишилар ҳамкорлиги, ўртоқлик уюшмаси, ихтиёрий бирлашмаси.

1. Улар ер, сув, от-улов, омоч-бўйинтуруғини бир ерга тўплаб, катта ширкат тузишди. Ҳ. Ғулом, Машъал

2. Зум ўтмай: Ҳамма ширкат идорасига борсин, Охунбобоев ваъз айтади, деб хабар қилишди. Р. Раҳмонов, Изида гул унган

2. Тенг ҳуқуқли иштирокчилардан ташкил топган саноат ёки савдо уюшмаси.

1. Пайчилик ширкати.

2. Абдулланинг отаси Азиз ака керосинфуруш эди. От-арава билан кўчама-кўча юриб, Нобел ширкатининг керосинини сотар эди. Ғ. Ғулом, Шум бола

3. У [Мирзо] Николай замонасида ширкатларда, фирмаларда мирзолик қилиб, ўз хизматини манзур қилган эди. А. Қаҳҳор, Мирзо