тепки

1. 1 Оёқ билан берилган зарб.

1. Худойқул бир нафас ғингшиб ётди. Тепкидан оғриган жойларини секин-аста силади. П. Турсун, Ўқитувчи

2. Бола кўрсатилган иккинчи сўзни ўқийман деб турганда, синф эшиги қаттиқ тепкидан ланг очилиб, ичкарига совуқ ёпирилиб кирди. М. Исмоилий, Фарғона тонг отгунча

2. Тўп, замбарак каби отиш қуролларидан ўқ узилганда, унинг орқага берадиган зарби.

1. Тўпнинг тепкини камайтирадиган қурилмаси.

3. Ўқ отадиган қуролларнинг отиш механизмини ишга солувчи қисми.

1. Пулемёт тепкиси. Тўппонча тепкиси.

2. Отайми, отмайми! Ўнг қўлининг бармоғини милтиқ тепкисига юбориб, уни босаётган жойда яна тўхтади. И. Раҳим, Чин муҳаббат

4. Маҳаллий тўқиш дастгоҳининг оёқлар билан галма-гал босиб, дастгоҳни ишга тушириш, унинг мунтазам ишлашини таъминлаш учун хизмат қиладиган қисми.

1. Ҳожияхон бўз тўқишни энди ўрганган, ўнг қўли тасма ғалтакни тортса, чап оёғи тепкини босолмас, ўнг оёғи тепкини босса, чап қўли гулани жуфтлолмас эди. А. Мухтор, Опа-сингиллар

5. Дастгоҳнинг шу қисмини босганда тўқилиб, зичланган моки ипи.

1. Атласнинг тепкиси қанча кўп бўлса, абр безакдан олинадиган таассурот шунчалик зўр бўлади. Газетадан

тепки сўзи қатнашган жумлалар:

1. 1 Асосан, болаларда учрайдиган, қулоқ олди безининг яллиғланишидан иборат ўткир юқумли касаллик.

1. Тепки кўпроқ қиш, баҳор фаслларида учрайди. И. Фозилов, Тепки

2. Тепки касали билан ҳамма ёшдагилар ҳам оғриши кузатилади. Саодат

2. Айрим касалликлар туфайли пайдо бўладиган майда, пуфакчасимон қизил доғлар; тошма, гул.

1. Қизилча касали юқадиган бўлиб иккинчи кунида кишининг танига қизил тепкилар чиқади. З. Тоҳирий, Соғлиқни сақлаш