узел

1. Транспорт йўлларининг туташган, кесишиб ўтган жойи.

1. Энг йирик темир йўл узели — А. станцияси учун шиддатли жанг давом этмоқда эди. Н. Сафаров, Оловли излар

2. Бир жойга ўрнаштирилган, вазифаси жиҳатидан бир-бирига боғланган иншоотлар, механизмлар, қурилмалар ва шу кабилар йиғиндиси.

1. Гидроиншоотлар узели.

2. Қотишма тайёрлаш узелида қишга яхши тайёргарлик кўрилмаган. Газетадан

3. Машина ёки аппаратнинг ўзаро бириккан бир қанча содда деталлардан ташкил топган яхлит бир қисми.

1. Абдусаттор тракторнинг узелларини кўздан кечирди. Ўзбекистон қўриқлари

2. Шубҳасиз, пахта териш машинасида ҳамма узел ва агрегатлар муҳим. Газетадан

4. анат. Организмдаги маълум ҳужайраларнинг ғуж ўрнашган жойи; тугун.

1. Лимфатик узел. Нерв узели.

денг. Кемаларнинг бир соатда босиб ўтилган денгиз мили сони билан ҳисобланадиган тезлик ўлчови.

1. Пароход ўн икки узел тезликда юрди.