вакил

1. Бирор киши, муассаса, ташкилот ва шу кабилар номидан иш кўришга ваколати бўлган, унинг манфаатларини кўзловчи ва ҳимоя қилувчи шахс.

1. Икки вакил у мулладан келади, Келиб қизнинг ихтиёрин сўради. Алпомиш

2. Бир оздан сўнг юқоридан келган вакил билан трест бошлиғи ўзларининг ишларидан гап очди. С. Сиёев, Ёруғлик

3. Олим жамиятнинг бир неча вакиллари билан Венгрияга боради. Фан ва турмуш

2. Бирор давлат ёки ташкилотнинг ваколати билан ўзга элларда унинг номидан иш кўрувчи, унинг манфаатларини ҳимоя қилувчи лавозимли киши, элчи.

1. Дипломатик вакил. Мухтор вакил.

2. Мен Закаспий ҳукуматининг вакили Азизбек бўламан. К. Яшин, Ҳамза

3. Бирор соҳа, ижтимоий гуруҳ, жамият ва шу кабиларга мансуб киши; намоянда.

1. Республикамизнинг ҳар бир соҳа вакили 10 йилликни меҳнатда ажойиб ютуқлар билан кутиб олмоқда. Газетадан

2. Даврада бир маҳалла кишилари, аммо турли фан вакиллари тўпланган эди. Фан ва турмуш

вакил сўзи қатнашган жумлалар: