юлдуз
билан улашинг
1. Қизиган газ (плазма)лардан таркиб топган, табиатига кўра Қуёшга ўхшайдиган, кечаси нур сочувчи нуқта бўлиб кўринадиган осмон жисми.
-
Ёруғ юлдуз. Хира юлдуз. Қутб юлдузи. Юлдузлар туркуми.
-
Оқшом чўкди Тошкент қўйнига, Милтиллашиб кўкларда юлдуз. Х. Салоҳ.
-
Бу ерга қуёш оғди салқин тушади, кечалари, тепамизда юлдуз тўла осмон. Р. Азизхўжаев, Яшил чайла
2. Бир неча ўткир учли геометрик шакл ҳамда шундай шаклга эга бўлган нарса.
-
Беш учли юлдуз. Юлдузнинг шаклини чизмоқ. Арчанинг тепасига юлдуз ўрнатмоқ.
3. кўчма Машҳур бўлиб танилган, шуҳрат қозонган шахс ҳақида.
-
Кино юлдузлари.
-
Донғи кетган теримчи ва шуҳрат юлдузиман, Лафзи ҳалол, юзи оқ Фарғонанинг қизиман. Уйғун
-
Йиғилганларни қизиқтирган нарса ўзбек адабиёти ва санъатининг юлдузлари, ўзбек жангчилари бўлди. Н. Сафаров, Оловли излар
4. Юлдуз (хотин-қизлар исми).
юлдуз сўзи қатнашган жумлалар:
Юлдуз кўрмай жон берди
Юлдуз санаб ётмоқ
Юлдузи иссиқ
-
У [Умид] рўпарасидаги юлдузи иссиқ қиздан асло кўз узмасди. Мирмуҳсин, Умид
Юлдузи (юлдузига) тўғри келди
-
— Мен жиддий сўраяпман, нега Исомиддинов билан юлдузларинг тўғри келмаяпти? Бирор сир борми? — деди Норбуви Каримовга. Ҳ. Шамс, Душман
-
Аброр билан Чиннихоннинг юлдузи юлдузига тўғри келиб қолгани ҳеч кимга сир эмас. П. Қодиров, Қалбдаги қуёш
Юлдузни бенарвон урадиган (одам)
ЮЛДУЗ сўзининг синонимларини Sinonim.uz сайтида қидириб кўринг.
YULDUZ сўзининг лотинча ёзилиши Lotin.uz сайти томонидан тақдим қилинган.
юлдуз сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар