ютуқ

1. Иш, фаолиятда эришилган муваффақият; ғалаба.

1. Илм-фан ютуқлари.

2. Мен ўзбек халқининг пахтачилик соҳасида бу йил эришган катта ютуғини кўриб, беҳад қувондим. Назармат, Жўрлар баланд сайрайди

3. Ютуқлар замирида доимо катта меҳнат, изланиш ўрин олган бўлади. Газетадан

4. — Ҳа-да, ишни бўшаштирмай, ураверайлик, битта тош жилдирсак ҳам, ютуғимиз, — деди Ғуломжон. М. Исмоилий, Фарғона тонг отгунча

2. Заём, лотерея каби ўйинлар тиражида қўлга киритиладиган, ютиб олинадиган нарса.

1. Заёмга беш минг сўм ютуқ чиқди. Ютуқни олмоқ.

2. Жўравой билетларни қўлга олгач, мажбурлаб берилган лотереяга кўпинча ютуқ чиқади, деган миш-мишларни эслаб, кўнглида қандайдир умид учқуни йилт этди. Газетадан

3. Баҳс, беллашув кабиларда эришилган ғалаба ва шу ғалаба учун берил(ади)ган нарса.

1. Йирик-йирик мусобақаларда ажойиб ютуқларни қўлга киритган.

2. — Енгилдим — Енгилган бўлсангиз, ютуғимни беринг. А. Қодирий, Меҳробдан чаён