battol

1. Oʻtaketgan yovuz, berahm, vahshiy.

1. — Benomus battollar! — degan gʻazabnok tovushlar eshitildi. Otliqlar qilichlarini yalangʻochlab, qiy-chuv koʻtargan ayollarni chopa boshladilar. M. Osim, Oʻtror

2. Boʻridan ham yomon Odamning boʻrisi, battol. Gazetadan

2. Oʻtaketgan razil, yaramas.

1. Men bilan Otabekni qamatib, dor ostiga yuboruvchi, Otabek tilidan soxta taloq xati yozib, bir-birimizdan judo etuvchi battol Homid ekan. A. Qodiriy, Oʻtgan kunlar

3. Oʻzinikini toʻgʻri deb turib oladigan; toʻgʻri yoʻl-yoʻriqqa yurmaydigan, oʻtaketgan oʻjar, qaysar.

1. Bugun darvozada juda battol sarboz turibdi. S. Karomatov, Bir tomchi qon

2. oʻjar boʻlganda ham borib turgansan. Bekorga battol deb laqab qoʻyishgan emas. B. Rahmonov, Yurak sirlari

4. koʻchma Xosiyatsiz; shiddatli.

1. Namoz-gardan boshlab yomgʻir chunonam quyishga turdiki, Jahon ota: — Bunaqa battol yogʻinni umrimda kamdan-kam koʻrganman, — dedi. R. Rahmonov, Changalzordagi sharpa